Ұлымның ішімдік ішкеніне күмәнім бар - апатқа себепші болған полицейдің әкесі (видео)
25 мамырда блок-бекеттегі апатқа себепші болған Азат Азаматов осы айдың басында ғана лейтенат шенін алған полиция қызметкері екен.
Апат болған күні ол кезекшілікке түсіпті. Бұл туралы 31 арна журналистеріне сұхбат берген Азат Азаматовтың әкесі айтты. Азаматовтың әкесі полицяның күдіктіні «экс-қызметкер» деген мәлімдемесін жоққа шығарды.
"Ұлымның ішімдік ішіп алғанына күмәнім бар. Карантин кезінде күндіз-түні жұмыс істегендіктер қалғып кетуі мүмкін. Ұлым қолымен істегенін мойнымен көтереді, алайда, оқыс оқиғаны "қасақана жасалған қылмыс" деп жала жабуға болмайды",-дейді Азат Азаматовтың әкесі.
Еске салайық, бұл оқиға 25 мамырда, сағат 05.26-да болған. БМВ көлігінің жүргізушісі, 1992 ж.т. азамат А. Алматы облысы, Қарасай ауданы, Көксай ықшамауданында, № 4 өткізу пунктінен өтпек болған. Ол алдымен бетон қоршауды соққан, содан кейін патрульдік көлікке соқтығысқан, көліктің салонында болған екі полиция қызметкері ауыр соққыдан көз жұмған болатын. Сондай-ақ бұл апат салдарынан тағы бір полиция қызметкері зардап шеккені белгілі болды. Зардап шеккен есірткі бизнесіне қарсы күрес басқармасының қызметкері Ербұлан Сейдазым жансақтау бөлімінде жатыр.
