Үндістанда қамауға алынған танкердегі Қазақстан азаматы елге қайтарылады
Үндістанның Орисса штатының Жоғарғы соты Парадип порты маңында қамауда тұрған Unity танкерінің экипаж мүшелерін елдеріне қайтаруды міндеттеді.
Олардың арасында Қазақстан азаматы да бар.
Қазіргі уақытта танкер бортында 23 теңізші қалып отыр. Олардың 20-сы Ресей, біреуі Қазақстан, екеуі Мысыр азаматы.
Сот бұл жағдайды кеме иесінің экипажды қараусыз қалдыруы деп таныды. Сот материалдарына сәйкес, теңізшілердің еңбек келісімшарттарының мерзімі аяқталғанымен, кеме иесі оларды уақытылы алмастыруды және елдеріне қайтаруды қамтамасыз етпеген.
Кейін сақтандыру компаниясы экипажды қажетті азық-түлік және басқа да керек-жарақтармен қамтамасыз етіп, жалақы бойынша берешекті өтеген.
Үндістан билігіне теңізшілерді кемеден түсіріп, отандарына қайтаруды ұйымдастыру, сондай-ақ танкерге жаңа экипаж жасақтау тапсырылды.
Сот шешіміне сәйкес, бұл шаралар мүмкіндігінше қысқа мерзімде, шешім алынған күннен бастап үш апта ішінде жүзеге асырылуы тиіс.
Теңізшілерді елдеріне қайтаруға жұмсалған шығындар кейін кеме иесінен немесе басқа да жауапты тұлғалардан өндіріліп алынуы мүмкін.
Айта кетейік, Unity танкері 2026 жылдың мамыр айынан бері бірнеше теңіз сот ісіне байланысты Үндістанның Парадип портында қамауда тұр.
