«Жарты тонна мефедрон тәркіленді» – Арыс қаласында ағайындылар синтетикалық есірткі өндірісін ұйымдастырған
Мамыр айының басында жалпы және арнайы іс-шаралар кешенін жүргізу нәтижесінде Ішкі істер министрлігінің қызметкерлерімен Түркістан облысы Арыс қаласында есірткі зертханасы жойылды.
Жедел-іздестіру іс-шаралары барысында қаланың шетінде орналасқан жеке тұрғын үйде ағайынды екі ер адамның синтетикалық есірткіні ірі көлемде заңсыз өндіруді ұйымдастырғаны анықталды.
Оқиға орнынан тінту кезінде жарты тоннаға жуық сұйық мефедрон, 1,5 тонна прекурсор алынды. Оларға сараптама тағайындалды. Сондай-ақ реактор, колбалар, магниттік араластырғыш, канистрлер, пластикалық науалар және есірткі өндіру белгілері бар өзге де құрал-жабдықтар тәркіленді.
Күдіктілерге қатысты Қылмыстық кодекстің 297-1-бабы бойынша сотқа дейінгі тергеп-тексеру басталды, оның санкциясы өмір бойына бас бостандығынан айыруға дейінгі жазаны көздейді.
Ұсталғандар уақытша ұстау изоляторына қамалды.
