Алматы облысында карантин күшейді

Сайт әкімшілігі

09.04.2021, 12:55

1528

Алматы облысының бас мемлекеттік санитария дәрігері Ерғали Сыдыманов карантин режимі мен кейбір шектеу шараларын күшейту туралы қаулыға қол қойды, — деп хабарлайды «Жас Алаш».

2021 жылдың 12 сәуірінен бастап келесі шектеу шараларын енгізу жоспарланған.

Жаңа қаулыға сәйкес, мына нысандардың қызметі тоқтайды:

банкет залдары;
театрлар, кинотеатрлар;
облысаралық/қалааралық/ауданаралық тұрақты емес (туристік) тасымалдар қозғалысы;
қалааралық/ауданаралық тұрақты автобустардың (шағын автобустардың) қозғалысы);
спорттық шараларды, оның ішінде аудандық, облыстық және республикалық деңгейдегі чемпионаттарды, жарыстарды өткізуге тыйым салынады;
білім беру орталықтарынан басқа, спорттық, би, гимнастика және осыған ұқсас секциялар мен үйірмелер;
мәдениет нысандары (мұражайлар, мәдениет үйлері, концерт залдары және т. б.);
құрылыс материалдарын, ауыл шаруашылығы техникасы мен жабдықтарын сататын нысандардан басқа, ауданы 2000 шаршы метрден асатын азық-түлік емес дүкендер (жеке тұрған);
туризм субъектілерінде (нысан) сиымдылығы 80 пайыздан аспайтын, ерекше қорғалатын табиғи аумақтарға: мемлекеттік ұлттық табиғи парктерге, қорықтарға, резерваттарға (жеке бару немесе бір отбасы мүшелері үшін, әлеуметтік арақашықтықты сақтай отырып, бетперде тағу ұсынылады);

Қаулының толық мәтінін мына сілтемеден оқи аласыз.

Тегтер: медицина коронавирус ПТР тест анықтама

ҰҚСАС ЖАҢАЛЫҚТАР