Ана мен үш баланың өліміне қатысты жаңа деректер пайда болды

Мариям МАҚСАТ

11.11.2020, 08:23

1069

Осы аптада күллі Павлодар жұртшылығын есеңгіреткен жантүршігерлік оқиға орын алды. Облыс орталығындағы Айманов көшесі, 2 мекенжайындағы бес қабатты үйдің пәтерінен келіншек пен оның үш, бес және жеті жасар баласының мүрделері табылды. Олардың денесінде зорлық-зомбылық белгілері бар.

«Отағасы үйге келген есік ішкі жағынан құлыптаулы болып, пәтерге кіре алмаған. Көршілерден есікті кесетін құралды алып, ішке кіргенде әйелі мен балаларын өлі күйде тапқан. Аталған фактіге қатысты Қазақстан Республикасы Қылмыстық кодексінің 99-бабы, 2-бөлігі, 1-тармағы бойынша сотқа дейінгі тергеу басталды», — деп хабарлайды облыстық полиция департаментінің баспасөз қызметі.

Белгілі болғандай, отбасы бұл үйге қыркүйек айында ғана көшіп келген. Ерлі-зайыптылар бірге тұрған, балалары ортақ некеден туған. Қазіргі уақытта сот-медициналық сараптама тағайындалып, оқиғаның мән-жайын анықтау үшін жұмыс жүргізілуде.

Көршілердің айтуына қарағанда бұған дейін отбасының қандай да бір оғаш қылықтары байқалмаған.

«Олар осы жақтан емес. Үш баласы болды. Әйел жас, сүйкімді еді. Ол балаларын Ертіске апаратын, үнемі қорғап жүретін. Балалар әрқашан таза, ұқыпты киінетін. Олар туралы жаман ештеңе айта алмаймын. Біз барлығымыз есеңгіреп қалдық», – дейді көршілерінің бірі.

Қайтыс болған келіншекпен жақын араласқан көршісі оның ақжарқын, үнемі жайдары жүретінін еске алды.

«Ол өте мейірімді және балаларын шексіз жақсы көретін ана еді. Балалардыі ойын алаңында жиі кездесіп, әңгіме дүкен құратынбыз. Ашық, шынайы болуымен бірден баурап алады. Соңғы рет біз демалыс күні көрістік. Ол кезде де көңілінің жабырқау екенін байқамаппын. Үнемі ақыл айтып, кеңесімен бөлісіп жүретін. Ол үй шаруашылығымен айналысты, күйеуі жұмыс істеді», — дейді құрбысы.

Әуелде полиция қызметкерлері қылмыстық істі «Екі және одан да кқп адамды өлтіру» бабы бойынша бастаған болатын. Кейін іс «баланы өлтіру» бабына ауыстырылды. Қандыкөл қаскөйлер табылса, 20 жылға бас бостандығынан айырылады не өмірінің соңына дейін темір тордың арғы жағына тоғытылады.

Тегтер: зорлық зомбылық қылмыс оқиға

ҰҚСАС ЖАҢАЛЫҚТАР

Сайт әкімшілігі 12:14
Орал тұрғындары үйді бұзуға қарсы наразылыққа шықты
Сайт әкімшілігі 15.10.2021, 17:20
Жаңа заң жобасы қабылданды
М.СӘУЛЕБЕК 15.10.2021, 12:19
Үлкен жолайрық – үлкен қалаларға тән құбылыс
Арайлым ЕРКЕБАЕВА 15.10.2021, 08:25
«Мұнайдың үстінде отырып мұнайға жарымаймыз»
Еңлік АРЫҚБАЙ 15.10.2021, 08:23
Мектеп құлап жатыр: рас па?
Сайт әкімшілігі 14.10.2021, 12:01
«Атамекен-Түркістан» микро қаржы ұйымы алғашқы жобаны қаржыландырды

Аңдатпа


  • Гүлшара Әбдіқалықова «Жас Алаштың» тілшісімен кездесті
    05.10.2021, 11:21
  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29