Көлік ұрлаған ұлттық қауіпсіздік қызметкері сотталды

Мариям МАҚСАТ

25.12.2020, 13:51

1143

Павлодар облысы бойынша ұлттық қауіпсіздік департаменті, полиция қызметкері, шенеунік және тағы үш адам қымбат көліктерді ұрлап, сатумен айналысқан.

Қылмыскерлер «Горкомхоз» РМК айыппұл тұрағындағы жол талғамайтын қымбат екі көлікті жалған құжаттар арқылы шығарып алып, сатылымға қойған.

«2018 жылдың ақпан айында айыпталушылар қитұрқы әрекеттер ойластырып, кейін оларды жүзеге асырды. Павлодар облысы бойынша ұлттық қауіпсіздік департаментінің қызметкері, криминалдық полиция мен Шарбақты аудандық әкімдігінің өкілдері жоғарыда аталған көліктерді айыппұл тұрағынан шығару құқығын беретін ресми құжаттарды қолдан жасаған. Содан соң алдын ала белгіленген рөлдер бойынша алты айыпталушының барлығы көліктерді тұрақтан алып, сатылымға шығарған», — деп хабарлады Павлодар қалалық №2 сотының баспасөз қызметі.

Жалпы шығын көлемі — 32 млн теңге. Сотқа дейінгі тергеу кезінде қымбат көліктің бірі заңды иесіне қайтарылды.

Прокурор айыпталушылардың барлығын 5 жылдан 7 жылға дейінгі мерзімде бас бостандығынан айыруды сұрады. Бес бірдей айыпталушы кінәсін мүлде мойындаған жоқ. Тек әкімдік қызметкері істеген ісіне өкінді.

Ұлттық қауіпсіздік пен полиция қызметкерлері капитан, майор шендерінен айырылып, алты жылға сотталды. Олардың екі көмекшісі бес жылға бас бостандығынан айырылды. Шарбақты аудандық әкімдігінің қызметкері — жесір қалған әйел, кәмелеттік жасқа толмаған екі баланың анасы. Ол кенжесі 14 жасқа толғаннан соң бес жыл уақытын темір тордың арғы жағында өткізетін болады. Қылмыстық топтың «кенжесі» — 19 жасар жігіт шартты түрде бес жылға сотталды.

Тегтер:

ҰҚСАС ЖАҢАЛЫҚТАР

Гүлжан СЕРІКҚЫЗЫ 17:53
Ішкі туризмнің халі қалай?
Сайт әкімшілігі 17:51
Әкімшілік рәсімдік-процестік кодексі: мемлекетке сену құқығы
Сайт әкімшілігі 17:49
Жаңа кодекс қазақстандықтарды қалай қорғайды?
Нұр САЙЛАУОВА 17:42
Қазақстанның жаһандық бастамаларына оң баға берілуде
Б.СӘРСЕНБИ 17:38
«Жұмыла көтерген жүк жеңіл»
Арайлым ЕРКЕБАЕВА 15:21
«Жусан» операциясы: тағдыр тәлкегінен құтқарғандар

Аңдатпа


  • «Жас Алаш» газетінің мерейтойына орай бильярдтан турнир өтті
    12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58
  • Ташкенттен «Жас Алаш» газетінің түпнұсқасы табылды (видео)
    07.07.2021, 13:15