«Көзіңді құртып жіберемін»

Бақытжан ӘБДІРАШҰЛЫ

05.04.2021, 16:19

3016

Шымкентте полицейлер кәсіби міндеттерін атқарып жүрген журналистерге қол жұмсап, қоқан-лоқы көрсеткен.

Шымкентте полицейлердің қол жұмсауы мен қоқан-лоқысына ұшыраған журналистер бейбіт акция өткізді.

Бүгін таңертең қалалық Полиция департаментінің алдына «Астана» телеарнасының меншікті тілшісі Бахрам Талибжанов, 31 арнаның тілшісі Бахрам Абдуллаев және «КТК» телеарнасының тілшісі Бек Әбиев «Журналистерді ұрғып соғуды доғарыңдар» деген плакат ұстап келіп, тәртіп сақшыларының әрекетіне наразылығын білдірді.  Оларға бір топ әріптестері қолдау көрсетті.

— Мен бұл жерге  азаматтық позициямды білдіруге келдім. Осыдан бір ай бұрын қаладағы «Тұлпар» базарындағы өртті түсіру үшін журналистік міндетін атқарып жүрген әріптесім  Бахрам Талибжановқа тәртіп сақшылары қол жұмсаған болатын. Ол бойынша журналист полицияға шағым түсірген. Алайда тергеу амалдары бір орыннан жылжымай келеді. Қайта соңғы кездері тергеушілер журналистке «мүмкін сені көшеде кетіп бара жатқан біреу ұрып кеткен шығар» деген сөздерді айта бастаған. Тергеудің бәрі циркке айналды,-деген Бек Әбиев бұдан әрі Бахрам Абдуллаевпен бірге жексенбі күні болған екінші оқиғаны баяндап берді.

Олардың айтуынша, бір топ әріптестер сол күні тұрғындардың наразылық жиынынан ақпарат тарату үшін Алтынтөбе ауылына барған. Полицейлер олардан оқиғаны түсірмеуді талап етіп, ақыр аяғында күш қолданған. Б.Абдуллаевтің камераның үстіне ұстап тұрған қолшатырын бір полицей жұлып алып, сындырған және журналистің қолына жеңіл жарақат салған. Тәртіп сақшылары сол жерде жүрген «Азаттықтың» тілшісі Диляра Исаның ұялы телефонын тартып алмақ болған. Ал Бахрам Талибжановқа азаматтық формадағы бір қызметкер орыс тілінде «я тебя прикончу» деген сөзді айтып, қорқытқан. Оқиға кезінде тәртіп сақшылары жергілікті «Отырар» телеарнасының операторына да соққы жұмсаған.

Журналистер әріптестеріне сұхбат беріп тұрған кезде оқиға орнына өзін «әл-Фараби ауданы әкімінің орынбасарымын» деп таныстырған азамат келіп, митинг өткізудің заңсыз екендігін айта бастады. Ал онымен бірге келген қалалық Полиция департаментінің бастығы, генерал-майор Ералы Жұмаханбетов журналистерді ішке кіріп, әңгімелесуге шақырды.

Департаменттің акт залында генералдың тапсырмасымен өзіндік қауіпсіздік басқармасының тергеушісі журналистердің алдына шығып, 2 наурызда «Тұлпар» базарындағы өртті сөндіру барысында тәртіп сақшыларынан таяқ жеген «Астана» телеарнасының тілшісі Бахрам Талибжановтың арызы бойынша нендей жұмыстардың атқарылғанын баяндады. Тергеуші арыз бойынша қылмыстық іс қозғалғанын, тергеу амалдарының жүргізіліп жатқанынан басқа ештеңе келтірген жоқ.

-Бұл іс бойынша күдікті бар ма?-деген сауалға тергеуші жауап бермеді. Яғни, журналистің арызы бойынша бір нәтиже шығады, кінәлілер заң алдында жауапқа тартылады деген үміт көмексі деген сөз. Кездесу барысында Алтынтөбедегі оқиға кезінде Талибжановқа «көзіңді құртып жіберемін» деген қызметкердің департаменттегі бір басқармада істейтіндігі, қазіргі уақытты оның денсаулығына байланысты  еңбек демалысына шығып кеткені айтылды.

Ералы Жұмаханбетов журналистердің жазған арыз-шағымы бойынша тиісті тергеу амалдары жүргізілетінін мәлім етті. Тіпті генерал қарамағындағы қызметкерлердің әрекеті үшін журналистерден кешірім сұрады. Журналисті ұрып-соғып, қоқан-лоқы жасағандар бастықтарының бір кешірімімен құтылып кете ме әлде заң алдында жауапқа тартыла ма, бұл жағы әлі белгісіз.

Жалпы Шымкентте полицейлердің журналистерге күш көрсетуі қалыпты жағдайға айналып келе жатқан сияқты. Бұған дейін жазғанымыздай, биыл 10 қаңтарда Шымкенттегі Ордабасы алаңында «Жас алаштың»  меншікті тілшісі Бақытжан Әбдірашұлын тәртіп сақшылары күштеп көлікке отырғызып, Абай аудандық полиция басқармасына алып барған.  Сол жерде журналистке тергеушілер түсініктеме жаздырып, бір сағат бойы әурелеген.  

Тегтер: оқиға қылмыс тергеу тексеру

ҰҚСАС ЖАҢАЛЫҚТАР

Еркежан АРЫН 15:52
«Қазақстан – бұрынғы Кеңес Одағы аумағында құрылған ірі бітімгершілік күштердің бірі»
М.СӘУЛЕБЕК 14:15
Министр штаб отырысын Шымкентте өткізді
Б.СӘРСЕНБИ 12:59
Түркістанда 25 тойхана жабылды
Миуа БАЙНАЗАРОВА 09:18
Қашпаған сиырдың уызынан дәметіп отырмыз
Сайт әкімшілігі 04.08.2021, 16:32
Алматы облысында демалыс күндері локдаун жарияланады
Айтбала СҮЛЕЙМЕНҚЫЗЫ 04.08.2021, 12:03
Қараусыз қалған аулалар, қоқыс басқан Қарағанды

Аңдатпа


  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58