Мақсатымыз – білімді, білікті ұрпақ тәрбиелеу

Миуа БАЙНАЗАРОВА

22.04.2021, 13:34

1820

Оқу мен тәрбие егіз, оларды бір-бірінен бөліп қарауға болмайды. Ұлы данамыз әл-Фараби «Адамға ең бірінші білім емес, тәрбие берілуі керек, тәрбиесіз берілген білім адамзаттың қас жауы» деп  бекер айтпаса керек-ті. Бүгінгі күні ұстаздардың алдында елін, жерін, халқын көзінің қарашығындай қорғайтын ұлтжанды, отаншыл азамат тәрбиелеу  міндеті  тұр. Бұл  өте  үлкен жауапкершілікті  талап  ететін  жұмыс. Осы  орайда, қазіргі  пандемия  жағдайындағы оқушылардың  жай-күйін, оқу  үлгерімін, тәрбиесін білмек ниеттеҚармақшы ауданының білім бөлімінің басшысы Дастан Нәзікбаевпен  кездесіп,  тілдескен едік.

   – Дастан мырза, 2020-21 оқу жылы өзіндік ерекшеліктерімен қашықтан және дәстүрлі оқыту форматында жүруде. Бұл мәселе шешімін  қалай  табуда?

    – Аудан бойынша білім берудің жалпыға міндетті оқу стандартына сәйкес,                 ІV тоқсаннан бастап 14 977 бала  дәстүрлі форматта  білім алуда. І, ІІ, ІІІ  тоқсандарда оқушылардың аралас форматта білім алуына байланысты әдістемелік кабинеттің «Мектеп оқушыларының білім сапасын арттыру (карантиндік шектеуге байланысты олқылықтарды жою) және ауыл мен қала арасындағы білім сапасының алшақтығын қысқарту жөніндегі» іс-шаралар жоспары жасалып, барлық білім беру ұйымдарына таратылды. Қазіргі таңда осы жоспарды басшылыққа алып жұмыс жүргізілуде. Жоспарға Қорқыт ата атындағы Қызылорда мемлекеттік университетінің профессорларымен бірге дарынды, ҰБТ-ға дайындықты қажет ететін, білім сапасы төмен оқушылармен жұмыс жасау іс-шарасы бекітілген. Сонымен қатар ауданда 36 студент тәлімдемеден өтуіне байланысты оқушылармен қосымша сабақ өтуге жоспар жасалып, жүзеге асырылуда. Жалпы орта білім беруде жаңартылған оқу мазмұнына көшу биыл 11-сыныптармен іске асырылды. Бағдарламаның НЗМ тәжірибесі бойынша жаңартылған білім беру мазмұнына өткен мектептердің үлесі 100 пайызға орындалды.

  – Жасөспірімдердің қоғам талабына сай дамуы мен жетілуі үшін  және  олардың  бос уақытын  тиімді  пайдалану  үшін  қандай  жұмыстар  атқарылуда?

   – Қармақшы ауданында 28 жалпы орта білім беретін, бір негізгі,                        бір кешкі мектеп, екі мектептен тыс мекеме жұмыс жасайды. Аудан бойынша 39 мектепке дейінгі білім беру ұйымдары, оның ішінде 24 мемлекеттік балабақша, 13 жекеменшік, екі мектеп жанындағы шағын орталық жұмыс істейді. Оларда Ұлттық білім деректер қорында  (НОБД) 3248 бала тіркелген.

Мемлекеттік 24 балабақшаның 15-і типтік жобада, 9-ы ыңғайластырылған ғимаратта орналасқан.  

  Заман талабына сай бүлдіршіндерді оқыту мен тәрбиелеуде дене бітімі және рухани жағынан дамыған, табысты азаматты қалыптастыру педагог кәсібінің беделін  және олардың сапалық құрамын арттыру болып табылады.  Осыған сәйкес, мектепке дейінгі мекемелерде және шағын орталықтарда 499 педагог жұмыс істейді.

Мектеп жасына дейінгі балалар арасында ерекше білім беру қажеттіліктері бар балаларды тәрбиелеу мен оқыту үшін инклюзивті ортаны қалыптастыру бойынша 2020-22 жылдарға арналған өңірлік жол картасы бағдарламасы аясында 8 мемлекеттік балабақшаға 8 логопед бірлігі беріліп, кабинеттері жабдықталды. Сонымен қатар 2021 жылдың қаңтарынан бастап тағы 8 логопед бірлігі мен кабинеттеріне қаржы бөлінуде. Бүгінде аудан бойынша 17 балабақшада (71 пайыз) логопед кабинеттері өз қызметтерін атқаруда. Аталған бағдарлама аясында 80 педагог қызметкер арнайы курстан өтті. Қосымша биыл 70 педагог курстан өткізілетін болады. Заман талабына сай балаларды оқыту мен тәрбиелеуде робототехника және легоқұрастырғыш, электронды ойыншықтармен жабдықталған. Қазіргі  заман талабына сай, баланың ақыл-ойын жүйелеу, ойлау қабілетін жетілдіру, дәлдікке үйрету, шындыққа тәрбиелеу мақсатында сауаттылыққа баулу бүгінгі күн талабы десек, осы мақсатта балабақшаларда түрлі үйірмелер жұмыс жасауда. Аудандағы  барлық 39 мектепке дейінгі білім беру ұйымдары Мектепке дейінгі тәрбие мен оқытудың мемлекеттік жалпыға міндетті стандарт талаптарын (ҚР БҒМ 2018 жылғы 31 қазандағы №604 бұйрығы), Үлгілік оқу жоспарын, мектепке дейінгі тәрбие мен оқытудың үлгілік оқу бағдарламасын, Қазақстан Республикасының мектепке дейінгі ұйымдарында 2020-21 оқу жылында білім беру процесін ұйымдастыру туралы әдістемелік нұсқау хатын басшылыққа ала отырып, мектеп жасына дейінгі балалардың тұлғалық, зияткерлік, әлеуметтік және эмоционалдық дамуын қамтамасыз ететін  заттық-кеңістік дамытушы орта жасақтай отырып, бес білім беру саласы бойынша жұмыстар атқарылуда.

— Мектептегі  үйірмелерге оқушылардың  қатысуы  қай  деңгейде?

— 1200 оқушы оқушылар үйіне, 350 оқушы әуез мектебіне,  1488 оқушы спорт мектебіне, мектепішілік спорт үйірмесіне 2908 оқушы, мектепішілік түрлі үйірмелерге 4382 оқушы қатысады. Оқушылардың спорт мектептеріне, спорт клубына, «Орда» әскери-патриоттық клубына мүмкіндігі шектеулі балаларға арналған спорт секцияларына қатысуы үздіксіз бақылауда. Бүгінгі қоғамның алдында тұрған басты міндеттердің бірі – балалар мен жасөспірімдер арасындағы құқық бұзушылықтың алдын алу, кәмелетке толмағандар арасындағы қылмыстың өсуіне жол бермеу. Аудандық прокуратурамен, ішкі істер органдарымен бірлескен «Мектепке жол», «Қамқорлық» акциялары аясында «Түнгі қаладағы балалар» рейдтері, «Жасөспірім», «Жасөспірім–Заң–Қауіпсіздік» жедел-профилактикалық  іс-шаралары өткізілуде. Өмірдің қиын жағдайында қалған кәмелетке толмағандарды әлеуметтік оңалту, қадағалаусыз және панасыз қалуының алдын алу бағытында заң аясындағы  шаралар қатаң бақылауға алынып жұмыстар  жүргізілуде.

— Рас, қазіргі  кезде  оқушылар  арасындағы  тәртіпсіздік, құқық  бұзушылық  мәселесі  жиі айтылады. Осы  жағын  тілге  тиек ете  отырсаңыз.

— Құқық бұзушылықтың, зорлық-зомбылықтың, жыныстық тиіспеушіліктің алдын алу мақсатында білім беру ұйымдарында жоғары сынып оқушыларымен жиналыстар, кездесулер, тәрбие сағаттары өткізілуде. Қармақшы ауданының прокуроры М.Маханбетжанов кәмелетке толмағандар мәселесіне қатысты ведомствоаралық мәжіліс өткізді. Мәжіліске жергілікті атқарушы және полиция органдары, денсаулық сақтау, білім беру ұйымдарының жауапты қызметкерлері қатысты. Белгіленген күн тәртібіне сәйкес, кәмелетке толмағандардың жыныстық қол сұғылмаушылығы, ерте жүктілік пен суицидтің алдын алу, кәмелетке толмағандар арасындағы құқық бұзушылықтар, жасөспірімдерді жол қозғалысы қауіпсіздігін сақтауға тәрбиелеу мәселелері қаралды.

       Әрине, аудан  көлемінде  мектептермен,  педагогтармен,  оқушылармен   бірлесе атқарылып  жатқан  игі істер  жетерлік.  Оның  бәрін  тізбелеп  жату  артық  болар.  Ең  бастысы,   біздің  мақсат – болашақта  осы  мемлекеттің  иесі  болатын,  елімізді дамытуға  үлкен  үлес  қосатын,  ұлтымыздың   мақтанышына айналатын  білімді  һәм білікті  ұрпақ  даярлау. Бар  күш-жігерімізді  соған  арнап  отырмыз.  

Тегтер: білім онлайн оқу офлайн оқу қаулы

ҰҚСАС ЖАҢАЛЫҚТАР

Заңғар КЕРІМ,арнайы «Жас Алаш» үшін Токиодан 14:32
Грек-рим шеберлері сенімді ақтамады
Ерзия ЕРСҰҢҚАР 12:12
Басты мақсат – сот жүйесіне халықтың сенімін арттыру
Сайт әкімшілігі 02.08.2021, 13:15
Дәрігерлер тұрғындарға үндеу жасады
Сайт әкімшілігі 02.08.2021, 10:48
Қырғызстанда жоғалған қазақстандық қыз өлі табылды
Сайт әкімшілігі 02.08.2021, 09:24
Еліміздің барлық өңірі «қызыл» аймақта тұр
Гүлжан СЕРІКҚЫЗЫ 30.07.2021, 17:53
Ішкі туризмнің халі қалай?

Аңдатпа


  • «Жас Алаштың» 100 жылдығы Жамбылда жалғасты
    11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58