Қар жауғанда тал егу қаржы жымқырудың тәсілі емес пе?

Тоқтар ҒАБДІРЕШҰЛЫ

24.11.2020, 16:57

1449

Оралға қыс келісімен тал егу «науқаны» қызу жүруде. Ала жаздай немен айналысқаны белгісіз мердігер мекеме «Жасұлан флора» ЖШС Зашаған кентінде ұшқындап жауған қармен қабаттаса тал-терек көшеттерін «қадауда».

Иә, қадауда деуімізде қателік жоқ. Арнайы киім киген жұмысшылар трактор қазған шұңқырларға тамырлары тарамыс боп қатып қалған жас көшеттерді жаппай «жайғастырып» жатыр. Кент әкімдігіндегілердің сөзінше, осы жерде 10 мың түп тал отырғызылуы тиіс. Мәссаған, безгелдек! Бұл қарқынмен қадай берсе «стахановшылардың» рекорды жолда қалары анық! Көз алдарындағы жойқын жұмысты қала тұрғындары да түсінбей дал.

«Әдетте қай теректі де қар түспес бұрын, суарып егуші еді. Белгілі бір параметрге сәйкес шұңқырын қазудың, оған қара топырақ себудің өзіндік ережелері бар екенін былайғы жұрт жақсы біледі. Көзіміз соқыр емес, бұл теректердің бәрі қалай болса солай егілуде. Олай дейтінім, егіліп жатқан шырғанақ (облепиха) ағашы әрі кеткенде қазан айының ортасына дейін отырғызылып, суарылып, қар түскенше тамырланып үлгеруі керек. Ал бізде қар түсіп, жер қатқанда жерге «қадап» жатыр. Енді аязда бәрі қақшиып, қатып қалады. Сондықтан, егілген теректің бәрі бірдей көктемде көктеп кететініне күмәнім басым»,-дейді кент тұрғыны Ләззат Шағатай.

Әрине, атқамінерлердің айтары белгілі. Мердігермен арада үш жылға келісімшарт бар, осы мерзімде олар жауапты дейтіні анық. Оған құлағымыз үйренген. Тек мұның астарында жаз бойы шөп басын сындырмаған мердігер тарапынан қыс келгенде жанталаса егілген теректермен бірге жыл аяғына дейін бюджет қаржысын тез игеру мақсаты жатқан жоқ па екен?!

Тегтер: тал егу қаражат жоспар жұмыс тендер мемлекеттік сатып алу мердігер

ҰҚСАС ЖАҢАЛЫҚТАР

Айтбала СҮЛЕЙМЕНҚЫЗЫ 22.01.2021, 17:30
Қарағанды облысында карантин күшейеді
Сәтжан ҚАСЫМЖАНҰЛЫ 22.01.2021, 17:00
Семейді қыстан сақтауға "қолы қойылмаған" Сақтағанов келді
Сәтжан ҚАСЫМЖАНҰЛЫ 21.01.2021, 17:44
"Ұлттық ат бәйгесін ас беру деңгейінде ғана қарастыруға болмайды"
Айтбала СҮЛЕЙМЕНҚЫЗЫ 21.01.2021, 16:13
Алименттен жалтарған әкенің көлігі тәркіленді
Мариям МАҚСАТ 21.01.2021, 14:14
Павлодар атауы өзгере ме?
Тоқтар ҒАБДІРЕШҰЛЫ 20.01.2021, 09:21
Жәнібек пен Ордаға жол жететін күн бар ма?

Аңдатпа


  • Қазақ қызы АҚШ президентінің протокол басшысының міндетін атқарушы болып тағайындалды
    22.01.2021, 13:10
  • «Жас Алаш» – әділдіктің трибунасы
    21.01.2021, 13:59
  • Жәнібек пен Ордаға жол жететін күн бар ма?
    20.01.2021, 09:21
  • Шағаладай шарқ ұрған шақ
    20.01.2021, 09:32
  • "Сатаев - саудагер, бас серіктес - Райымқұлова"
    19.01.2021, 10:30