Сарыағаштың полициясы жаңа ғимаратқа көшті

Сайт әкімшілігі

29.11.2021, 10:00

194

 Түркістан облысының бас полицейі Қайрат Дәлбеков Сарыағаш аудандық полиция бөлімінің жаңа ғимаратында болды. Бұл туралы Түркістан облыстық Полиция департаменті баспасөз қызметі хабарлады.

Сарыағаш ауданына арнайы іссапармен барған Түркістан облысы Полиция департаментінің бастығы полиция генерал-майоры Қайрат Дәлбеков пен облыс әкімінің орынбасары Ұлан Тәжібаев аудандық полиция бөлімінің жаңа ғимаратын ашты. Салтанатты түрде өткен ашылу рәсіміне әкімдік пен БАҚ өкілдері, Ішкі істер органдарының ардагерлері, жергілікті полиция бөлімінің басшылығы мен жеке құрамы қатысты.

Шара кезінде сөз бастаған генерал-майор Қайрат Дәлбеков: «Сарыағаш аудандық полиция бөлімінің жаңа ғимаратына көшу-маңызды оқиға. Мемлекет басшысы Қ.Тоқаев ішкі істер органдарына реформа жүргізу жөнінде бірқатар тапсырмалар берді. Оның орындалуы ішкі істер министрі Ерлан Тұрғымбаевтың жеке бақылауында. Бұл ретте облыс әкімі Ө.Шөкеевтің қолдауымен ескі ғимараттың орнына жаңа ғимарат салуға  бюджеттен қаражат бөлінді. Сондықтан „Сервистік полиция“ бағдарламасы аясында тәртіп сақшылары халықпен сенімді қарым-қатынаста жұмыс істеуі, құқық бұзушылықтың жолын кесуі және жұртшылыққа көмек көрсетуі тиіс. Полиция ашық және таза болуы керек»,- деп атап өтті. Сондай-ақ облыстың бас полицейі қызметкерлерге қоғамдық тәртіпті қамтамасыз ету мен қызметте сәттілік тіледі.

Сарыағаш полициясының су жаңа ғимараты заманауи талаптарға сәйкес келеді, кабинеттер қажетті жиһазбен және компьютерлік техникамен жабдықталған, арнайы байланыс және бейнебақылау жүйесі бар, сондай-ақ онда сақшылардың сапалы қызмет етуі үшін барлық жағдай жасалған. Тұрғындар көп жүретін көшелер мен қоғамдық орындарда орнатылған сыртқы бейнебақылау камералары біріктірілген шағын жедел басқару орталығы да талапқа сай жұмыс істеп тұр.

Бұдан бөлек аумақта қабылдау-тарату орны, уақытша ұстау изоляторы, қызметтік иттерге арналған үй-жай, гараж салынған. Сондай-ақ полиция бөлімі жанында халықты мәселесі бойынша кезексіз қабылдауға арналған «азаматтарды қабылдау» бөлмесі жұмыс істейді.

Тегтер: қылмыс заң тергеу тексеру

ҰҚСАС ЖАҢАЛЫҚТАР

Сайт әкімшілігі 13:23
Түркістандағы қайғылы оқиға бойынша сот үкімі шықты
Арайлым Еркебаева 26.01.2022, 09:25
Зейнеткерлердің зейнетақысы бес жыл бойы ұрланып келген
Айтбала СҮЛЕЙМЕНҚЫЗЫ 20.01.2022, 12:00
Жәйремдіктердің жанайқайы:«Мемлекеттік бағдарламамен берілген үйдің сиқы осы»
Мариям МАҚСАТ 20.01.2022, 08:53
Кім кімді алдады?
Арайлым ЕРКЕБАЕВА 19.01.2022, 17:45
Қарағанды өңіріндегі дүрбелең қалай өрбіді?
Қайрат Балабиев 19.01.2022, 16:57
Атамекенді аялау – азаматтық парызымыз

Аңдатпа


  • Байлар 30 жыл «жиып-тергенін» «Қазақстан халқына» қия ма?!
    20.01.2022, 08:50
  • Біреуге бас қайғы, біреуге «мал» қайғы
    20.01.2022, 08:49
  • Алматыны «терроризм астанасы» етпек болды
    20.01.2022, 08:48
  • Қазақстанда билік төңкеріледі - үндістандық көріпкел Арченаның айтқаны келді
    19.01.2022, 00:00
  • «Аш адам ұрысқақ келетінін» ұмытпасақ екен...
    19.01.2022, 08:48