Сүйегі табылған қазақ сарбазының жақындары іздестірілуде

Айтбала СҮЛЕЙМЕНҚЫЗЫ

07.05.2021, 09:09

13743

Ұлы Отан соғысы жылдары майдан даласына аттанған қазақ сарбаздары мыңдап саналды. Олардың  қалың қарасы жаңбырдай жауған оқтың астында  мерт болды. Шет жерде шерменде күйде шейіт болған жандардың қатарында Қарағанды облысының тумасы Жағыпар Оразбаев та бар еді. Қандас батырдың қайда жер жастанғаны жайлы бұған дейін ешқандай  мәлімет болмаған. Хабар-ошарсыз кеткен белгісіз сарбаз жайлы сүйінші хабарды жақында Ресейдің «Пионер» іздеушілер тобы әлеуметтік желіге салды. Онда: «Ржевкалинское фронт» халықаралық экспедициясы барысында «Пионер» іздеу тобы Ржев ауданынан бес қызыл әскер сарбазының сүйегі  салынған санитарлық зиратты тапты. Олардың бірінен жетпіс жылдан астам жер астында жатқан, сапасы бұзылмаған жазбамен қатар,  медальон  шыққан. Әлгі тілдей қағазда «Оразбаев Жағыпар, 1914 жыл, Қарағанды облысынан» деген ақпарат жазылған. 

Экспедиция мүшелерінің мәлімдеуінше, ғайыпта көз жұмған  сарбаздың анасы жауынгер перзентіне 1956 жылы  іздеу салған. Бірақ шерлі шеше ешқандай хабар алмаған. Арада 60 жыл  өткенде жұмбақ күйдегі жауынгердің жақындары ол жайлы сұраныс жолдаған. Олардың бұл қадамдарынан да қайыр болмаған. Бір өкініштісі, сарбаздың  ет жақындары байланыс деректерін көрсетпеген. Енді барлық гәп мекенжайдың белгісіз болуынан шығып отыр. Олай болмағанда, осы күні сүйінші хабардың иелері әлдеқашан табылар еді. Бұл айқын ақпаратты іздеу тобы әскери комитеттің сұранысы бойынша ашық мұрағаттан алған. Маңызды мәлімдеме соңында «Пионер» іздеушілері: «Біз әрдайым қазақ әріптестеріміз бен оқырмандарымыздан төл сарбаздарының денесін туған жеріне табыстауға көмектесуін сұраймыз», – деген хабарлама  қалдырған. Ақжарма жаңалық  халық арасына енді тарап жатыр. Қуанышты хабар иелерін әлі тапқан жоқ. Игіліктің ерте-кеші жоқ. Бастысы – батырдың ныспысы белгілі.

Тегтер: сарбаз әскер парыз міндет

ҰҚСАС ЖАҢАЛЫҚТАР

Сайт әкімшілігі 10:21
Қарағанды облысында жол-көлік апаты салдарынан үш адам қаза тапты
Сайт әкімшілігі 08:51
ШҚО-да қарттар үйінің лауазымды тұлғалары 7,4 млн теңге жымқырған
Бифат ЕЛТАЕВА 11.08.2022, 16:56
Жас таланттарды анықтайтын жоба
Сайт әкімшілігі 11.08.2022, 15:06
Қостанайда балабақша тәрбиешісі үш жасар бүлдіршіннің сүйегін сындырған – министрлік
Сайт әкімшілігі 11.08.2022, 10:22
Қазақстанның бірқатар өңірінде бейсенбі күні бұршақ аралас жаңбыр күтіледі
Сайт әкімшілігі 09.08.2022, 17:35
Түркістан: АӘК алатын отбасылардың балалары мектеп формасымен қамтамасыз етіледі

Аңдатпа


  • Қасақана өртеді: Тараздағы әскери бөлімдегі жарылысқа қатысты тың дерек шықты
    08:47
  • «Үйдің жыртығын жамау мүмкін емес»: Елордада 50 жыл болған жатақхана құлағалы тұр
    11.08.2022, 09:04
  • Смайыловтың Президентке ұсынған болжамы дөп келе ме?
    10.08.2022, 09:37
  • «ЭКСПО-2017»: Миллиардттарға салынған мақтаулы нысандар су астында қалды
    09.08.2022, 08:49
  • Ұлттық банк пен Үкімет қымбатшылықты құрықтауға неге қауқарсыз?
    08.08.2022, 08:49