Жұқпалы індет жұқтыру күннен-күнге артып барады.

Миуа БАЙНАЗАРОВА

09.08.2021, 09:09

549

Жұқпалы індет өршіп барады. Облыс әкімі Гүлшара Әбдіқалықова жедел штаб отырысында аймақтағы эпидемиологиялық жағдайды жақсарту мәселелерін талқылап, қатаң тапсырма берді.

Өңірде вирустың тәулігіне 100-ден астам жағдайы анықталып отыр. Ахуал күрделі, сақтық шараларын қатаң түрде күшейту қажет.

– Республика бойынша жаңа үнділік «Дельта», оған қоса «Дельта плюс» штамы тіркеліп, қазіргі таңда біздің облысымызда кең таралуда. Жағдай өте ауыр. Былтыр осы кезеңде, облысымызда коронавирус инфекциясынан өлім-жітім саны көп болғаны белгілі. Биыл сол қайтыс болған адамдардың жылдық «астары» өткізілуде және тойдың да тыйылмай тұрғаны туралы мәліметтер түсуде. Күні кеше Қызылорда қаласындағы «Арнау палас», «Бақ-Сарай» мейрам­ханаларында отбасылық шаралар өткізілген. Алайда, бұл мониторингтік топтардың назарынан тыс қалған. Дәл осындай жиын-тойлар аудандар көлемінде де аз болып жатқан жоқ. Сондықтан мониторингтік шаралардың жұ­мысын қатаң түрде күшейту қажет, – деді облыс әкімі.

Облыстық санитарлық-эпиде­миологиялық қадағалау депар­таментінің басшысы Динара Жаңа­бергенова осы жылдың наурыз айындағы мерекелік күн­дер­ден кейін сәуірде ауру саны күрт өсіп, тәуліктік тіркеменің арт­қанын айтты. Мұнан бөлек, де­партамент басшысы әлі де екпе алмаған жекелеген санатты азаматтардың вирус жұқтыру қаупі жоғары екенін, ал ұжымдық вакцина алған қызметкерлердің аурушаңдық деңгейі төмендеп келетінін тілге тиек етті. Сондай-ақ, ол Қызылорда қаласында  аурушаңдық көрсеткіші жоғары болуы себепті Қызылорда қаласы үшін жаңа қаулы қабылданып, күшейтілген түрде сақтық шаралары енетінін хабарлады. Сонымен демалыс күндері қарым-қатынасты мейлінше шектеу белгіленіп отыр.

Ал, облыстық полиция депар­таментінің бастығы Бектөре Сұл­тан­ның айтуынша,  өңірдегі мо­ни­­торингтік топтардың жұмы­сын ширата түсу үшін олардың құ­ра­мына тәжірибелі сала басшыларын қосып, бақылауды күшейту қажет.

Облыстық денсаулық сақтау басқармасының басшысы Сабит Пазылов жүктеменің артуына байланысты коронавирус індетін емдеуге арналған инфекциялық төсек-орын саны 3 есеге ұлғайғанын мәлімдеді. Бүгінде 1820 төсек-орын ұйымдастырылған. Қажет­тілікке қарай инфекциялық және провизорлық стационарларда төсек-орын қорын 3200-ге дейін ұлғайтуға мүмкіндік бар. Со­нымен бірге 518 орын ор­талық­тандырылған оттегімен жаб­дық­талған. Үй жағдайында ем алуға мәжбүр азаматтарға 138 дәрігерлік мобильдік топ құрылған. Олар науқастарға шұғыл түрде жетуі үшін  облыс әкімдігі мен қала әкім­дігі тарапынан қосымша көліктер қарастырылды.

Облыста вакцина салынуға тиіс 401 мың тұрғын болса, соның бү­гінде І компонентін 211 445-і алып үл­герді, II кезеңді салдыру кестеге сәйкес жүргізілуде. Бүгінгі таңда вак­циналаудың 106 кабинетіне 133 мейірбике мен 89 дублер тартылған.

Басқарма басшысы осы ретте аймақтағы емдеу орындарында төсек- орын қоры жеткілікті екенін айтып, кеселді уақытылы анықтап, қажетті ем-дом шараларын қабылдауға ша­қырды.

Жиында облыс әкімі дәрі-дәр­мек мәселесін саралады. Облыстық медициналық және фар­ма­цевтикалық қадағалау депар­таменті басшысының мін­детін ат­қару­шы Ғалима Азирова апта сайын коронавирустық инфекцияны амбу­латориялық емдеу кезінде пайдаланылатын сұранысқа ие 10 дәрілік заттың мониторингі жүргізіліп, қызу­ды түсіретін, қабынуға қарсы, антикоагулянттардың 2 айлық мөлшері жасақталғанын, қажет болған жағдайда қор толық­тырылатынын хабарлады.

Бұл ретте облыс әкімі керекті дәрілердің ауылдар мен қала ше­тіндегі дәріханаларға уақытылы және қажетті мөлшерде тұрақты түрде жеткізілуін қадағалауды тапсырды.

Штаб отырысында облыстық кә­сіп­керлік және туризм басқар­ма­сы­­ның басшысы Фердоуси Қожа­бер­генов «Ashyq» жобасына кәсіп­керлерді белсенді түрде тарту жұмыстары туралы баяндады. Бүгінде  252 нысан «Ashyq»-қа енген.

Облыс әкімі жедел штаб отырысында айтылған әрбір маңызды мәселе бойынша тиісті тапсырма берді. «Ashyq» жобасына қатысуды белсенді жүргізу, науқастармен қарым-қатынаста болған тұрғындарды шұғыл анықтап, індеттің таралуына жол бермеу сынды барлық қорғаныс амалдарын күшейтуді міндеттеді.

– Қазіргі таңда вакциналау мәселесіне басты назар аударылуы тиіс. Өйткені, ол – аурудан қорғанудың бірден-бір жолы. Мұ­нан бөлек, төсек орынмен қамту, реанимациялық бөлімдердің дайын­дығы аса маңызды. Сондай-ақ, үйде емделіп жатқан науқастардың толыққанды ем алуын қамтамасыз ету қажет. Жағдайды ушықтырып алмас үшін күнделікті қадағалауды тапсырамын. Барлық жұмыс тұрақты бақылауда болсын, – деді облыс әкімі.

Тегтер: медицина коронавирус ПТР тест анықтама

ҰҚСАС ЖАҢАЛЫҚТАР

Сайт әкімшілігі 14.01.2022, 13:16
"Инфекцияның келесі толқыны наурызда көбеюі мүмкін" - Алматының бас санитар дәрігері
Сайт әкімшілігі 14.01.2022, 11:49
Түркістанды ағын сумен қамтуда маңызды жобалар жүзеге асуда
Арайлым ЕРКЕБАЕВА 12.01.2022, 18:14
Кәсіпкер блок - бекетте тұрғандарға жылы киім апарды
Айтбала СҮЛЕЙМЕНҚЫЗЫ 12.01.2022, 13:15
Қарағандылықтарды тұрмыстық газдың бағасы қинап тұр
Айтбала СҮЛЕЙМЕНҚЫЗЫ 12.01.2022, 10:15
Қарағандыда 43 адам қамауға алынды
Айтбала СҮЛЕЙМЕНҚЫЗЫ 11.01.2022, 14:00
Кеншілер мен металлургтер Президентке үндеу жолдады

Аңдатпа


  • "Қазақстан халқына" қорына білім беру ұйымдары ақша аударуға міндеті емес
    17.01.2022, 14:00
  • Алматы трагедиясы: Бас прокуратура қылмысты толық аша ала ма?!
    14.01.2022, 08:54
  • Сағынтаев Алматыдағы бүлік кезінде қайда болды? (видео)
    13.01.2022, 09:30
  • Эпид ахуал күрделеніп барады. Бас санитардың қаулысы жарияланды
    14.01.2022, 08:39
  • Бүліктен бизнеске келген залал 100 миллиард теңгеден асты
    13.01.2022, 09:08