Алматыда жертөледен полиэтиленге оралған ер адамның мәйіті табылды

Оқиға орнына жедел-тергеу тобы барып, марқұмның жеке басын анықтады. Алдын ала мәлімет бойынша, ер адам үйлер мен пәтерлерге жөндеу жұмыстарын жүргізумен айналысқан және қайғылы оқиға болған күні осы үйде жұмыс істеген.

Тергеу барысында полицейлер үй иесін күдікті ретінде ұстады. Оның түсіндіруінше, ер адам әзірге анықталмаған жағдайда өлімге әкелетін жарақат алған. Алайда күдікті жедел қызметтерге хабарлаудың орнына мәйітті жертөлеге жасырып қойған деген болжам бар.

Аталған дерек бойынша қылмыстық іс қозғалды. Қазіргі уақытта оқиғаның барлық мән-жайын анықтау үшін бірқатар сараптамалар, соның ішінде сот-медициналық сараптама тағайындалды. Оның қорытындысы марқұмның нақты өлім себебін анықтауға мүмкіндік береді.