Ақтаулық каратистер республикалық турнирде «қола» жүлдеге ие болды

Бұл жарыста ақтаулық спортшылар 15 медаль жеңіп алды.

Турнирге еліміздің түкпір-түкпірінен келген 300-ге жуық спортшы қатысты. Жарыс 19-20 сәуір күндері өтті. Дәстүр бойынша спортшылар «жаңадан бастаушылар» және «тәжірибелі» номинацияларында сынға түсті. Ақтаудан жарысқа 7-12 жас аралығындағы 9 жаңадан бастаушы мен 12 тәжірибелі спортшы қатысты. Оларды жаттықтырушылар Дмитрий Печкин мен Андрей Шорин бастап барды.

Сайыстар «спорттық кумитэ» бағыты бойынша өткізілді.

Жаңадан бастаған спортшылар жақсы нәтиже көрсетіп, үшеуі алтын медаль еншіледі. Тәжірибелі қатысушылар да жүлдесіз қалған жоқ. Ең бастысы – ақтаулық команда жалпыкомандалық есепте III орын алып, үйге 15 медальмен оралды.

Жүлдегерлер тізімі:

• Нұрым Нұрболат, жаңадан бастаушылар, 7 жас — 1 орын
• Милана Пискунова, тәжірибелі, 8-9 жас — 1 орын
• Әдина Борашева, тәжірибелі, 10-11 жас — 1 орын
• Ералы Абдияшим, жаңадан бастаушылар, 10-11 жас — 1 орын
• Әділ Бүрібек, жаңадан бастаушылар, 12–13 жас — 1 орын
• Софья Қасымова, тәжірибелі, 8-9 жас — 2 орын
• Ануар Кемелов, тәжірибелі, 8-9 жас — 2 орын
• Валерия Дубовицкая, тәжірибелі, 8-9 жас — 2 орын
• Лиза Сайдамирова, тәжірибелі, 10-11 жас — 2 орын
• Нұралы Абдияшим, жаңадан бастаушылар, 8-9 жас — 3 орын
• Радомир Жуков, жаңадан бастаушылар, 8-9 жас — 3 орын
• Алдияр Мұса, жаңадан бастаушылар, 8-9 жас — 3 орын
• Расул Бекжанов, жаңадан бастаушылар, 10-11 жас — 3 орын
• Анастасия Овчинникова, тәжірибелі, 10-11 жас — 3 орын
• Омар Ғазиз, тәжірибелі, 10-11 жас — 3 орын

Амирхан Мамырбек, Шыңғыс Құсманов және Әли Ақтай «Жеңіске деген жігері үшін» дипломымен марапатталды.