"16 млн қазақстандықтың дерегі тараған іс": Министрлік тергеудің қалай аяқталғанын білмейді

Ақпараттың ішінде азаматтардың аты-жөні, ЖСН-і, туған күні, телефон нөмірі мен мекенжайы болған.

Цифрлық даму министрлігінің мәліметінше, бұл факті бойынша қылмыстық тергеуді Ұлттық қауіпсіздік комитетінің қызметкерлері жүргізген. Алайда министрлік өкілдері істің немен аяқталғанын білмейтінін айтқан.

Бұған дейін жеке деректердің медициналық ұйымдар арқылы тарауы немесе ақпаратты алған қызметкердің оны үшінші тұлғаларға беруі мүмкін деген нұсқалар қарастырылған.