Аида Балаева қазақстандықтарды халықаралық отбасы күнімен құттықтады

"Құрметті достар! Бүгін барша әлем халықаралық отбасы күнін атап өтуде. БҰҰ-ның Бас Ассамблеясы осыдан 31 жыл бұрын отбасының қоғамдағы рөлі мен маңызын арттыру үшін белгілеген болатын. Әрине адам өмірі отбасынан басталады, онда оның балалық шағы тұлға болып қалыптасу жолы өтеді. Сондықтан отбасы махаббат пен құрметтің ынтымақтың ұясы болып қала беретіні анық. Ал адам онсыз өмір сүре алмайды. Қазақстан халқы үшін отбасының орны ерекше. Ең бастысы отбасы тұрақтылық пен дамудың негізі. Мемлекет басшысы Қасым-Жомарт Кемелұлы мемлекеттің маңызды мәселелерін шешуде отбасы институтының рөлі туралы үнемі айтып келеді. Ана мен баланы қорғаі, ұрпақтың рухани дамуы, тұрмыстық зорлық-зомбылықтың әкенің рөлі секілді қоғамдық мәселелер отбасы тәрбиесіне байланысты екені белгілі. Соның арқасында Қазақстан отбасыны қорғайтын заңнамалық баса қалыптасқан жетекші елдердің бірі болып саналады. Былтыр бірінші шілдеде күшіне енген әлеуметтік кодекс әлеуметтік қолдау мәселелерін реттейтін маңызды құжат болып саналады. Енді әлеуметтік қолдау жәрдемақы төлеу ғана емес азаматтардың түрлі қиындыққа ұшырауының алдын алуға да бағытталмақ. Әлеуметтік кодекстің жаңашылдығының бірі – цифрлық отбасы картасы. Бүгінде ол «отбасылық портрет» деп аталады. Онда 20 миллион Қазақстан азаматы немесе 6 миллионнан астам отбасы туралы ақпарат жинақталған. Сондай-ақ Әлеуметтік кодексте балалы отбасыларды әлеуметтік қолдаудың қосымша шаралары, оның ішінде бала күтімі бойынша төлемақы төлеу мерзімін бір жарым жасқа дейін ұзарту көзделген. Еңбек заңнамасы жұмыс істейтін аналар мен әкелердің құқықтары мен міндеттерін реттейді. Онда жүкті әйелдер мен балалы әйелдерді жұмысқа қабылдауға кепілдік беру және жұмыстан шығаруға тыйым салу қарастырылған. 3 жасқа дейінгі балалары бар аналарға жалақысы сақталмайтын қосымша демалыс беру. Сондай-ақ қызметкерге еңбек міндеттерін жеке және отбасылық қажеттіліктермен үйлестіруге және балалы әйелдерді жұмыс күшіне кеңінен тартуға мүмкіндік беретін икемді жұмыспен қамту нысандары қарастырылған.

Отбасын қолдау орталықтары барлық өңірлерде жұмыс істейді. Жыл сайын отбасыларға 100 мыңнан астам қызмет көрсетіледі. Отбасы институтын нығайту, ата-ананың жауапкершілігін арттыру, ұрпақ тәрбиесін дамыту мақсатында жыл сайын «Мерейлі отбасы» ұлттық байқауы өткізіледі.

2023 жылы Қазақстан Республикасындағы мереке күндерінің тізімі Аналар күні және Әкелер күні мерекелерімен толықты.

Неке қиюды тіркеуге өтініш білдірген азаматтарға отбасын жоспарлау, отбасы психологиясы, денсаулығы, отбасы бюджетін жоспарлау және басқа да маңызды мәселелер бойынша некеге дейінгі, тегін кеңес беру және оқыту бойынша пилоттық жоба іске қосылды.

Жақында президент әйелдер құқығы мен балалардың қауіпсіздігін қамтамасыз ететін заңға қол қойды.

Құрметті достар, мұның бәрі болашақ үшін, жоғары дамыған, өркениетті Қазақстанда өмір сүруге тиіс және өмір сүретін балаларымыз бен немерелеріміз үшін жасалып жатыр.

Ал бүгін, Халықаралық отбасы күнінде біз тағы да отбасы құндылығының айрықша маңыздылығына, оның өмірімізді жақсартудағы рөліне назар аударамыз. Сіздерді осы айтулы датамен шын жүректен құттықтай отырып, мықты денсаулық, бақыт және амандық тілеймін!", - деді министр. 

Айта кетейік, бүгін әлем елдері халықаралық отбасы күнін атап өтіп жатыр.