Алматыдағы Halyk Arena мұз сарайында өрт шықты

Оқиға орнынан түсірілген видеоны балалары кешенде хоккей ойнап жүрген оқырмандар жіберген деп хабарлайды Tengrinews.kz. Айтуларынша, жаттықтырушы ата-аналарға сабақтың тоқтатылатыны туралы хабарлап, ғимаратта түтін шыққанын көрсететін кадрларды жіберген.

Алматы Төтенше жағдайлар департаменті (ТЖД) өрт туралы ақпаратты растады. Өрт туралы хабар төтенше жағдайлар қызметіне 27 ақпан күні сағат 12:35-те түскен.

«Өрт сөндірушілер келгенге дейін қызметкерлер 3-ші блоктың екінші қабатындағы әкімшілік кеңседегі өртті өз бетінше сөндірді. Өрт 8 шаршы метр аумақты шарпыды және ішкі өрт сөндіру кранының көмегімен сөндірілді. «Құрбандар мен зардап шеккендер жоқ», - деп хабарлады Төтенше жағдайлар департаменті.

Бұл бір ай ішінде Алматының мұз айдындарында орын алған екінші өрт. Айта кетейік, бұл соңғы айда қаланың ірі мұз айдындарында орын алған екінші өрт оқиғасы. Қаңтар айының соңында «Алматы Аренада» өрт болды. Сол кезде көпсалалы кешеннің шағын залындағы өрт 40 шаршы метр аумақты шарпыған, оқиға орнына жоғары дәрежелі жедел әрекет ету күштері жіберілген.

Қазіргі уақытта «Халық Аренада» болған оқиғаның себептері анықталып, спорт нысандарындағы өрт қауіпсіздігін арттырудың ықтимал шаралары қарастырылуда.