Алматыда қыз полицияны зорлық жасады деп айыптады: ПД бұл мәлімдемені жоққа шығарды
Алматыда қыз әлеуметтік желіде өзін және жігітін ұстау кезінде физикалық әрі психологиялық зорлық-зомбылық жасалғанын мәлімдеді.
Оның айтуынша, оқиға 19 қыркүйекте болған. Сондай-ақ қыз өзіне келісімінсіз сексуалдық сипаттағы әрекеттер жасалғанын айтқан.
Алайда Алматы қаласының полиция департаменті бұл айыптауларды шындыққа жанаспайды деп хабарлады.
Полицияның нұсқасына сәйкес, жұп ауладағы шуға қатысты тұрғындардың шағымынан кейін ұсталған. Құқық қорғау органдарының мәліметінше, жастар мас болған, агрессивті әрекет көрсетіп, полиция қызметкерлеріне қарсылық танытқан.
Полиция оқиғаның бейнебақылау камераларына түсіп қалғанын және жазбалар қыздың айтқанын жоққа шығаратынын мәлімдеді.
Екі адамға да әкімшілік хаттама толтырылып, материалдар сотқа жолданды.
