Алматыда вирус жұқтырғандардың саны төмендеп келеді

Алматыда коронавирусты жаңадан жұқтыру фактілері төмендеуде. Алматының бас санитарлық дәрігері Айзат Молдағасимова қалада коронавирусты жұқтырғандар санының азайып келе жатқаны байқалатынын мәлімдеді.  Коронавирус инфекциясының ең агрессивті түрі 7 науқаста белгіленген. Дәл осы азаматтардан әлеуетті жұқтырулардың көп саны тараған.Ауырып қалғандардың көбісі Мәскеу ‒ Алматы рейсімен келгендер — 33%, вирусты жұқтырғандардың 25%-ы — Стамбұлдан, 16%-ы — Берлиннен, 15%-ы — Санкт-Петербургтен, 15%-ы — Минскіден келген.

Алматыда бүгінде 10 мыңнан астам адам ағзаларында коронавирус инфекциясының бар-жоғына тексерілді, 91 адамда вирустың бар екені анықталды. Алматыда одан әрі зерттеулер жүргізу үшін тестілер, реагенттер және барлық қажетті препараттар саны жеткілікті.

«Алматыда өткен тәулікте 13 адам пневмония деген күдікпен тексерілген.Олардың 5-інен бұл ауру белгілері табылған жоқ. Қалғандары тексеріліп жатыр.Ал, коронавирус бойынша алдағы уақыттағы ықтимал болжамды әзірге нақты айтаалмаймыз. Бірақ қалада вирус жұқтырғандардың динамикасында күрт төмендеубайқалып отыр. Өткен бір тәулікте шаһарда тек 1 ғана адамнан қауіпті вирусанықталды», – дейді Алматы қаласының бас санитары Айзат Молдағасимова.