Алматыда журналист Вадим Борейкоға қатысты сот отырысы жалғасты
Алматыда журналист Вадим Борейкоға қатысты сот отырысы өтті.
Оған қарсы "Etude-Ybyrai" компаниясы жарияланған материалдар іскерлік беделіне нұқсан келтіріп, жалған ақпарат таратты деген уәжбен талап-арыз түсірген. Борейко өзіне тағылған айыптарды нақты дәлелдермен негіздеу қажет екенін айтқан. Бұған дейін осы іс аясында журналистің банк шоттары бұғатталғаны хабарланған еді.
Сот отырысында қорғау тарапы филологиялық-экономикалық сараптама қорытындысының дұрыстығына күмән келтірді.
Адвокат Жанна Оразбақованың айтуынша, филологиялық сараптама кезінде маман талап-арызда көрсетілген шеңберден шығып кеткен. Ол журналистің сұрақтарын біріктіріп, өз бетінше қайта тұжырымдаған. Сонымен қатар қай материалдың, қай күні және қай жерде жарияланғаны, сондай-ақ сөзді нақты кім айтқаны көрсетілмеген.
