Алматыдағы UIB университетіне бомба қойылғаны туралы хабарлама түсті

Бұл жөніндегі ақпарат полицияға сағат 10:40-та жеткен.

Хабарламада Абай даңғылы, 8а мекенжайында орналасқан оқу ғимараты туралы айтылған. Қауіп туралы мәліметті тексеру үшін ғимаратты университет күзеті мен учаскелік полиция инспекторлары өздері қарап шықты.

Кейін жарылғыш зат қойылғаны туралы ақпарат расталмағаны белгілі болды. Университет әдеттегі жұмыс тәртібін жалғастырып жатыр.