Ресейдің жолаушылар ұшағы Қазақстан аумағында дабыл белгісін берді

Экипаж транспондерде 7700 кодын қосып, ұшу бағытын өзгертіп, Ресей шекарасына қарай бет алған.

Әуе компаниясының мәліметінше, бұған техникалық ақау себеп болған. Осыдан кейін ұшақты Омбы қаласындағы қосалқы әуежайға қондыру туралы шешім қабылданды. Ұшақ Омбыға сәтті қонды. S7 Airlines дерегіне сәйкес, бортта 173 жолаушы болған. Зардап шеккендер туралы ақпарат түскен жоқ.

Батыс Сібір көлік прокуратурасы жоспардан тыс қону жағдайын және жолаушылардың құқықтары сақталған-сақталмағанын тексеруге кірісті.