Астанада бүгіннен жылу беру маусымы басталады

 Қала тұрғындарының үйлеріне жылу жұма, 2 қазаннан бастап беріле бастайды.

"Астана-Теплотранзит" АҚ мәліметінше, жылу желілерін қысқы маусымға дайындау жұмыстары аяқталған.

Дайындық кезінде жылу желілеріне гидравликалық сынақ жүргізіліп, анықталған ақаулар жойылған. Сонымен қатар жөндеу және жаңғырту жұмыстары жүргізілді.

Жылу беру маусымы кезең-кезеңімен басталып, алдымен әлеуметтік нысандар мен тұрғын үйлер жылу жүйесіне қосылады.