Астанада чемодан толы доллар шашылғаны туралы видео тарады: ҚТЖ мен "Самұрық-Қазына" басшыларының есімі аталды

Астанадағы "Атлант" тұрғын үй кешенінің маңында чемодан толы ақша шашылғаны туралы видео әлеуметтік желіде тарады. бірқатар БАҚ бұл оқиғаның жоғары лауазымды тұлғалардың ықтимал ұсталуымен байланысты болуы мүмкін екенін жазды. Алайда ақпарат әзірге ресми расталған жоқ.

12 қарашада әлеуметтік желіде Астанадағы "Атлант" тұрғын үй кешенінің маңында түсірілгені айтылған бейнежазбаны жарияланды.

Кадрларда ғимараттың жанындағы жаяу жүргіншілер жолына шашылған АҚШ долларына ұқсас купюралар мен чемодан көрінеді. Белгісіз адамдар ақшасы бар чемоданды терезеден лақтырған болуы мүмкін.

БАҚ-та бұл оқиға пара алды деген күдікке ілінген жоғары лауазымды тұлғаларды ұстау операциясымен байланысты болуы мүмкін деген ақпарат тарады.

Журналист Казачков CMN басылымындағы әріптестеріне сілтеме жасап, күдіктілердің бірі "Қазақстан темір жолы" ұлттық компаниясының басқарма төрағасы Елжас Отыншиев болуы мүмкін екенін жазды.

Ал 100Baksov Telegram-арнасында "Самұрық-Қазына" қорының басқарма төрағасы Нұрлан Жақыповтың ұсталғаны туралы ақпарат тараған.

Алайда бұл мәліметтердің ешқайсысы әзірге ресми расталған жоқ. Құқық қорғау органдары аталған тұлғалардың ұсталғаны жөнінде мәлімдеме жарияламады.

Еске салайық, Елжас Отыншиев 2026 жылғы шілдеде "Қазақстан темір жолы" ұлттық компаниясының басқарма төрағасы болып тағайындалған. Ал Нұрлан Жақыпов "Самұрық-Қазына" қорын басқарады.

Қазіргі уақытта бейнежазбаның нақты қай жерде және қандай жағдайда түсірілгені, шашылған ақшаның шығу тегі мен оқиғаның аталған басшыларға қатысы анықталған жоқ.

Оқиғаның мән-жайын анықтау үшін құқық қорғау органдарының ресми түсініктемесі қажет. Жаңа мәліметтер жарияланған жағдайда ақпарат толықтырылады.