Балалар аллергиясы неге айрықша қауіпті: дәрігер кеңесі

Аллергия дегеніміз – белгілі бір аллергендердің ықпалына ағза реакциясының өзгерген аса сезімталдығы. Адам ағзасы ішке қауіпті зат немесе антиген енген кезде оны жоюға тырысады. Салдарынан көз қызарып, дене қышынып, бөртпелер шығады. Мұндай сырқат балалар арасында соңғы кездері дендеп барады. Оның себебі не және аллергияның алдын алу жолдары қандай? Дәрігер кеңесін ұсынамыз.

Балаларға аллергия неліктен шығуы мүмкін?

Балаларға аллергияның шығу себебі өте көп. Бұған дәрігерлер қоршаған ортаның ластануы мен экологияның нашарлауы, климаттың өзгеруі себеп екенін айтты. Балалардың ағзасына күннің күрт сууы мен ысып кетуі кері әсер етеді. Сондай-ақ анасының жүктілік кезінде аллергия шақыратын тағам, антибиотик және дәрумен тұтынуы ауруға шалдығу қаупін жоғарылатады. Ата-аналар омырау сүтінен баланы ерте шығарса немесе сол омырау сүтін түрлі қоспасы бар өніммен алмастырса ағзадағы аллергияға қарсы иммунитет жетілмейді. Соның салдарынан баланың ағзасы әлсіз әрі аллергияға сезімтал болып өседі. 

Дәрігерлер баланы аллергиядан сақтаудың ең тиімді тәсілі – оны 2 жасқа дейін емізу екенін айтады. Себебі ана сүтінде адамның ағзасына пайдалы дәрумендер мол болады. Сондай-ақ баланың денсаулығына гендік жолдармен отбасындағы аллергик адамдардың ауруы жұғады. Ата-анасының екеуі де аллергик болса балаға 60 пайыз беріліп, ал біреуі аллергик болса 30 пайыз ғана беріледы. Сонымен қатар кальция, D дәрумені жетіспейтін балалар да аллергияға бейім боп келеді. 

Не істеу керек?

Балада аллергия болса, үйде дәрігер тағайындаған антигистаминдік препараттардың қоры болуы керек. Бұл аурудың күрт өршуі кезінде қажет. Егер балада бұрыннан ауыр аллергиялық реакция болған болса, онда эпипен немесе анапен - шприц қаламында адреналин болуы маңызды. Егер мұндай препаратты сатып алу мүмкін болмаса, онда сіз адреналинді ампулада және дәріханадан шприцте алуға болады, бірақ оларды қалай дұрыс қолдану керектігін білу маңызды. Сондықтан дәрігермен міндетті түрде нұсқау алу маңызды. 

Есте сақтау маңызды

Аллергия - бұл иммундық жүйенің зиянсыз заттарға қалыпты емес реакциясы

Ата-анасының біреуінде аллергия болса, балада аллергия болуы ықтимал

Аллергиялық реакция аллергенмен, затпен бірінші байланыста болған кезде дамымайды

Балаға стерильді жағдай жасамау маңызды

Әр түрлі қосымша тағамдарды ерте енгізу және емшек сүтімен емізу кезінде ананың рационынан сиыр сүтін алып тастау

Үйде антигистаминдік препараттардың қоры болуы керек

Аллергенмен байланысын азайту маңызды, мүмкін болса, оны толығымен жою қажет