Боранбаев Алматыда тағы бір футбол клубын құрады

Олар жаңа клубты «Алматы Юнайтед» деп атайтын болады. Жаңа клуб өз сапарын 2025 жылғы маусымда QFL Екінші лигасынан бастайды, деп хабарлайды Meta Ratings.

Редакция клубты құрудың басты себебі Боранбаев басқаратын «Қайрат» футбол клубының академиясын тәмамдаған футболшыларды ойын тәжірибесімен қамтамасыз ету екенін айтады. 

2024 жылдың сәуір айында Алматыда «Алматы Юнайтед» ЖШС пайда болды. Оның негізін қалаушы – «Қайрат» ФК-ның бұрынғы бас директоры Марат Баймұханов.

Сонымен қатар, ЖШС Әбіш Кекілбайұлы көшесі, 30 корпус мекенжайы бойынша тіркелген. 2GIS мәліметтері бойынша бұл ғимаратта екі ғана компания бар – «Қайрат» ФК және Алматы футбол академиясы.