Дайрабаев пен Тұрлыхановсыз: Ұлттық Құрылтайдың құрамы өзгертілді
Ұлттық Құрылтайдың құрамы ротацияланды. Бұл туралы Ақорданың баспасөз қызметі хабарлады, деп хабарлайды Zhasalash.kz.
Ұлттық құрылтай жұмысына жұртшылықтың жаңа өкілдері тартылды. Атап айтқанда, құрылтай құрамына төмендегілер кірді:
- Қазақстан Республикасындағы Бала құқықтары жөніндегі уәкілі Динара Зәкиева,
- «Қазақстан корейлері қауымдастығы» ҚБ төрағасы Юрий Шин,
- Қазақстан Еңбек Ері, Семей қаласының № 7 орта мектеп-лицейінің мұғалімі Алма Шұқыжанова,
- Мәжіліс депутаттары Нұрлан Әуесбаев, Никита Шаталов,
- Жұбанов университетінің ректоры Лаура Қарабасова,
- жеңіл атлетик Айсұлу Сүлейменова,
- дүнген этносының жетекшісі Лугмар Буларов,
- тележүргізуші, «Азаттық рухы» ақпарат агенттігінің журналисі Кристина Гринько.
Сонымен қатар, бірқатар облыстардан қоғамдық кеңес мүшелері де қамтылды.
Ұлттық құрамнан Б.Әлтеев, Ә.Толамисов, Ғ.Қанай, С.Оғай, Ж.Дайрабаев, Қ.Майгелдинов, Б.Уәли, А.Тимощенко-Боровикова, С.Сарыбай, Д.Тұрлыханов, С.Құранбек, Е.Суларов, А.Лодочников шығарылды.
