ДДСҰ белгісіз аурудың себептерін анықтау үшін Конгоға өз мамандарын жібереді

Дүниежүзілік денсаулық сақтау ұйымының сарапшылары Конго Демократиялық Республикасына (КДР) Кванго провинциясында 30 адамның өмірін қиған белгісіз аурудың себебін анықтауға көмектесіп жатыр.

Ұйым өз сарапшыларын елдің оңтүстік-батысындағы Кванго провинциясының Панци елді мекенінде тараған және әзірге диагнозы қойылмаған аурудың түрін анықтау үшін КДР денсаулық сақтау органдарына жібереді.

Дүниежүзілік денсаулық сақтау министрлігі елдің Денсаулық сақтау министрлігіне сілтеме жасап хабарлауынша, Панци медициналық-санитарлық аймағында 394 адам осы аурумен ауырып, 30 адам қкөз жұмған. Бұған дейін Конго Демократиялық Республикасында белгісіз дерт таралып, 143 адам қаза тапқаны хабарланған болатын. Симптомдары: бас ауруы, жөтел, тыныс алудың қиындауы және анемия.

Панциге баратын мамандардың қатарында эпидемиологтар, дәрiгерлер, жұқпалы аурулардың алдын алу және күресу жөнiндегi мамандар бар.

«Біздің басты міндетіміз зардап шеккен отбасыларға көмек көрсету. Аурудың себебін анықтау үшін барымызды саламыз», - деді ДДСҰ Африка аймағының директоры Матшидисо Моети.

Қазан айының басында Конго Демократиялық Республикасында осы жылдың басынан бері 30 мыңнан астам адам Mpox (маймыл шешек) ауруына шалдыққаны хабарланған болатын. Сол кезде Мрох ауруынан болатын өлім-жітім негізінен балаларда байқалып, жалпы өлімнің 70%-ын бес жасқа дейінгі балалар тобы құрайтыны хабарланған.