Эквадорда бір аптада екінші саясаткер сайлау алдында өлтірілді
«Азаматтық революция» қозғалысы жетекшілерінің бірі үйінің жанында оққа ұшты. Бірнеше күн бұрын Эквадорда президенттікке үміткерді митинг кезінде атып кетіп, қаза тапқан болатын.
Эквадордың Эсмеральдас провинциясындағы «Азаматтық революция» солшыл саяси қозғалысының жетекшісі Педро Брионесті үйінің жанында белгісіз біреулер атып өлтірді, деп хабарлады оның партияластары.
«Азаматтық революция» партиясынан президенттікке үміткер Луис Гонсалес марқұмның туыстарына көңіл айтты.
«Эквадор өзінің ең қанды кезеңін бастан өткеруде. Бұл бейқам үкімет пен мафияның қолына алған мемлекеттің жалпы әрекетсіздігінен болып жатыр. Осы зорлық-зомбылықтан қаза тапқан Педро Брионестің отбасына көңіл айтамын», — деп жазды ол X әлеуметтік желісінде.
Бірнеше күн бұрын елдегі тағы бір саясаткер – «Саф» қозғалысының президенттікке үміткері Фернандо Вильявисенсо өлтірілді. El Universo оның Китодағы сайлауалды сайлауалды митингінен кейін басына үш рет оқ тигенін хабарлады.
20 тамызда Эквадорда кезектен тыс президенттік және парламенттік сайлау өтеді.
