Ең ірі салық қарыздары бар компаниялардың артында Назарбаевтар тұр ма?

Тізімде жалпы қарызы 758,7 миллиард теңгені құрайтын 15 мыңнан астам компания бар.

Алайда олардың ішінен бес ұйым ерекше көзге түседі — әрқайсысының мемлекет алдындағы қарызы ондаған миллиард теңгеге жеткен. Бұл компаниялардың үшеуі бұрын Назарбаевтар әулеті аты аталған дауларға қатысы бар ұйымдар болып шықты.

Салық қарызы ең көп тіркелген өңірлер — Алматы қаласы (369,9 млрд теңге) мен Алматы облысы (151,5 млрд теңге).

Қарыз көлемі бойынша үздік бестікке сондай-ақ Астана (53,1 млрд), Қарағанды облысы (45,9 млрд) және Ақтөбе облысы (38,1 млрд) енді.

Жалпы 15 мыңнан астам компанияның салық қарызы 758,7 миллиард теңгені құрайды.

Бұл соманың шамамен 60 пайызы он ірі борышкер компанияның үлесіне тиесілі. Олар сауда, құмар ойындар, құрылыс, тасымал және өндіріс салаларында жұмыс істейтін ұйымдар.