Хаменеи: АҚШ-тағы сайлау нәтижесі Вашингтонның Иранға қатысты саясатын өзгертпейді

Оның айтуынша, АҚШ Иранға қарсы жаңа агрессияға барса, Тегеранның жауабы бұрынғыдан әлдеқайда ауқымды болады.

Хаменеидің сөзінше, АҚШ-та партиялық басымдықтың өзгеруі Вашингтонның әрекетін өзгертеді немесе Иранның жеңілдіктерге баруы АҚШ-тың дұшпандық саясатынан бас тартуына себеп болады деп үміттенетіндер қатты қателеседі.

Сондай-ақ ол Парсы шығанағындағы, әсіресе Ормуз бұғазындағы оқиғалар АҚШ-тың жеңілмейтіндігі туралы түсініктің жалған екенін көрсетіп, шетелдік державаларға сүйенетін үкіметтердің әлсіздігін әшкерелегенін айтты. Оның пікірінше, мемлекеттер өз халқына арқа сүйеуі керек.