Хасан Қасымбаев екі айға қамауға алынды

 Хасан Қасымбаевтың ұсталғаны 4 қарашада белгілі болды. Кейін Алматы облысының полиция департаменті бұл ақпаратты растады.

Полицияның мәліметінше, Талғардағы қылмыстық топтың жетекшісі деп айтылып келе жатқан Хасан Қасымбаевтың қсталғаны белгілі болды. Бірақ ол Шерзат оқиғасына байланысты емес 2021 жылдың маусым айында жасалған азамат А.-ның денсаулығына қасақана ауыр зиян келтіру және ұрлау фактісі бойынша күдікке ілінген. Кейіннен бұл жігіттің ережесіз жекпе-жек жаттықтырушысы Арман Әлімов екені айтылды.

Айта кетейік, Талғарда 16 жастағы Шерзат Болаттың өліміне күдікті ретінде 11 адам ұсталып, уақытша ұстау абақтысына қамалды. 

Jas Alash Youtube арнасы марқұмның үйіне арнайы барып сұхбат алған кезде Шерзаттың әкесі Қаржаубай Нұрымов та Хасанның жігіттеріне қатысты пікірін айтқан еді.