Қарағанды шахтасында тағы жарылыс: қаза тапқандар саны артты

«АрселорМиттал Теміртау» АҚ Костенко шахтасында қаза тапқандар саны 16 адамға жетті.

«252 адамның 205-і жер бетіне шығарылды, оның 18-і медициналық көмекке жүгінді. 31 кеншіні іздеу жұмыстары жалғасуда. Тіршілік белгісі жоқ 16 кенші табылды», - делінген хабарламада.

Апат орнында PVASS құтқарушылары жұмысын жалғастыруда. 

28 қазанда Костенко шахтасының ұзын қабырғасында метан газы жарылған. Бұған дейін 11 адам қаза тауып, 18 адам жараланғаны хабарланған болатын.

Президент Қасым-Жомарт Тоқаев Қазақстан үкіметіне «АрселорМиттал Теміртау» АҚ-мен ынтымақтастықты тоқтатуды тапсырды.