Қазақстан елшілігі Украинада 12 қазақстандық әскери тұтқын мәртебесіне ие екенін мәлімдеді
Украинадағы Қазақстан Республикасының елшілігі жанындағы консулдық бөлім Украина аумағында тұтқында отырған 12 Қазақстан азаматы туралы мәлімет бар екенін растады.
Бұл туралы «Ферғана» басылымының қолына түскен ресми жауапта айтылған.
Мәліметке сәйкес, ақпарат Украинадағы уәкілетті мемлекеттік орган ұсынған деректер негізінде алынған.
Сонымен қатар консулдық бөлім қазақстандық әскери тұтқындарды санаттар бойынша бөлек есепке алмайтынын мәлімдеді. Осыған байланысты елшілік егжей-тегжейлі ақпарат беруден бас тартқан.
Еске салсақ, бұған дейін Украинаның мемлекеттік «Хочу жить» жобасы Ресей Қорғаныс министрлігімен келісімшартқа отырып, Украинадағы соғысқа қатысқан Орталық Азия елдерінен 12 666 азамат анықталғанын хабарлаған еді. Оның ішінде 2389 адам Қазақстан азаматтары екені айтылған.
Сол жоба мәліметінше, бұл соғыста кемінде 270 қазақстандық қаза тапқан.
