Қазақстанда бензин бағасы күрт өспейді – министрлік
Энергетика вице-министрі Санжар Жаркешевтің мәлімдеуінше, жақын уақытта бензин бағасының күрт қымбаттауы күтілмейді.
Оның айтуынша, қазіргі таңда жанар-жағармай бағасы тұрақты, елде тапшылық жоқ. Қазір шамамен 600 мың тонна бензин қоры бар.
«Тапшылық болмаған жағдайда баға да көтерілмейді», - деді ол Сенаттағы брифингте.
Сонымен қатар бензин бағасын тек Бәсекелестікті қорғау агенттігі ғана емес, өңірлік штабтар да бақылауда ұстап отыр.
Айта кетейік, 1 сәуірден бастап АИ-92 бензині мен дизель бағасын ұстап тұрған мораторий өз күшін жойған болатын.
Сайт Әкімшілігі
Сайт Әкімшілігі
