Қазақстанда Конституцияға енгізілген өзгерістерден бастау алған елді жан-жақты жаңғырту үдерісі қарқынды жалғасуда

 Саяси жүйеде түбегейлі өзгерістер орын алды.

Парламенттің ықпалы артты, Үкіметтің жауапкершілігі күшейді, қоғамдағы саяси партиялардың рөлі нығайды. Азаматтардың өз пікірін ашық білдіруіне және әлеуметтік белсенділік танытуына мүмкіндік беретін тетіктер әзірленді.

Ауылдар мен аудандардың әкімдерін тікелей сайлау енгізілді. Сонымен қатар әділдік, инклюзивтілік және прагматизм қағидаттарына негізделген жаңа экономикалық бағыт қалыптастырылды. Бұл өзгерістердің барлығы елімізді дамыған мемлекетке айналдыруға бағытталған.