Қазақстанда лотерея терминалдарының жұмысы тоқтатылды

Ведомстводағылар бұл дүңгіршектерге қатысты қазақстандықтар мен мемлекеттік органдарға шағымдар жиі түсетінін түсіндірді.

"Сондықтан, Туризм және спорт министрлігі 2023 жылы екі рет – мамыр және қараша айларында лотерея операторы – "Сәтті Жұлдыз" АҚ-на лотерея клубтарының жұмысын және электронды лездік лотереяны ұйымдастыруды жақсарту бойынша ұсынымдар жіберді", - деп жазылған 2024 жылдың 7 ақпанындағы хабарламада.

Дегенмен, сарапшылардың атап өтуінше, кейбір жерлерде ресми "сары-көк" Lotomatic терминалдары ретінде көрнекі түрде стильдендірілген контрафактілік машиналар жұмыс істей беруі мүмкін.

"Осыған байланысты азаматтарды қырағы болып, заңсыз лотерея терминалдарының қызметтерін пайдаланбауды, сондай-ақ министрліктің чат-ботына және WhatsApp (+7 707 9071507) Lotomatic дүңгіршектерінің немесе заңсыз лотереяның барлық фактілері туралы хабарлауын сұраймыз. Әрбір сұраныс "лотерея операторымен және құқық қорғау органдарымен бірге мұқият қаралады",- делінген хабарламада.

Сондай-ақ тәртіп бұзушылар жауапкершілікке тартылатыны айтылды.

2024 жылдың 9 қаңтарында Қаржы мониторингі агенттігінің баспасөз қызметі 1WIN онлайн-казиносының ұйымдастырушылары халықаралық іздеуге жарияланғанын хабарлады. Бұдан кейін Агенттік ақшаның интернет-эквайринг арқылы және аутентификациясыз қабылданғанын, бұл тіпті кәмелетке толмағандардың да құмар ойындарға қатысуына мүмкіндік беретінін атап өтті. 2023 жылдың өзінде онлайн-казино айналымы шамамен төрт миллиард теңгені құрады.