Жобалар
Редакциямен байланыс
Жарнама
11:21, 19 Наурыз 2024

Қазақстанда соңғы 10 жылда 582 ауыл жойылған

ел
Фото:

Қазақстанда соңғы 10 жылда ауылдық елді мекендердің саны 6838-ден 6256-ға қысқарып, 582 ауыл жойылған. Бұл туралы Үкімет отырысында Ұлттық экономика министрі Нұрлан Байбазаров баяндады.

Қазақстанда 6256 ауылдық елді мекен бар, оларда 7,6 миллион адам тұрады, бұл ел халқының 38,4 пайызын құрайды

«Соңғы 10 жылда ауылдық елді мекендердің саны 6838-ден 6256-ға немесе 582 бірлікке қысқарды. Негізінен, халқы 50-ден аспайтын ауылдар қысқарды, халқы жақын маңдағы елді мекендерге қарайды»— деді министр.

Бұл ретте табысы ең төменгі күнкөріс деңгейінен төмен ауыл халқының үлесі 7,2%, жұмыссыздық деңгейі 4,7% құрайды. Өзін-өзі жұмыспен қамтығандардың үлесі 33% немесе 1,2 млн адамды құрайды.

2023 жылы ауылдарды негізгі қызметтермен қамтамасыз ету деңгейі 64,3% құрады, бұл 2022 жылмен салыстырғанда 2,1 пунктке артық. Бұл ретте нысандар мен қызметтердің ең жоғары ұсынылуы Маңғыстау облысында – 72,4%, Атырау облысында – 70% және Ақтөбе облысында – 69,6% байқалады.

Қауіпсіздік деңгейі төмен өңірлерге: Шығыс Қазақстан облысы – 58%, Ұлытау  – 57% және Абайда облысы – 55,4% жатады.

«Сонымен, қауіпсіздік деңгейі жоғары ауылдардың саны 1296 бірлікті құрайды, бұл 2022 жылмен салыстырғанда 169 бірлікке артық. Бұл ретте табыс деңгейі төмен ауылдардың үлесі 1676 ауылдан 1399 ауылға дейін азайды. Жалпы, ауыл тұрғындарының өмір сүру сапасын жақсарту және өңірлік стандарттармен қамтамасыз ету деңгейін арттыру үшін министрлік мүдделі мемлекеттік органдармен және әкімдіктермен бірлесіп бірқатар жүйелі шараларды қолға алуда» деп қосты Байбазаров.

Шенеуніктер ауылдық аумақтардың әлеуметтік-экономикалық әлеуетін ашуға арналған Қазақстан Республикасының 2023-2027 жылдарға арналған ауылдық аумақтарды дамыту тұжырымдамасын жүзеге асыруда.

Фото: minber.kz

Тегтер: