19 августа 2026, 13:46 Қоғам

Қазыбек Қалмағамбетов U20 әлем чемпионы атанды

Қазақстандық балуан Қазыбек Қалмағамбетов Словакияның Братислава қаласында өтіп жатқан U20 әлем чемпионатында алтын медаль иеленді.

Грек-рим күресінен 67 келіге дейінгі салмақта сынға түскен спортшы финалда Беларусь балуаны Михаил Марковскиймен белдесті. Қалмағамбетов қарсыласын 13:7 есебімен жеңіп, әлем чемпионы атанды.

Осылайша Қазақстан құрамасы U20 әлем чемпионатындағы алғашқы жүлдесіне қол жеткізді.