Жобалар
Редакциямен байланыс
Жарнама
09:26, 01 Сәуір 2024

Көкшетау әкімдігі су тасқынымен күресуге 49 млн теңге жұмсаған

в
Фото:

Көкшетау әкімдігі ақпан айында су тасқынымен күресуге 49 млн теңге жұмсады. Алайда, қалада төтенше жағдай жарияланып, адамдарды құтқару жұмыстары жүргізілуде.

Өткен жылдың желтоқсан айында «Көкшетау қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі» ММ 2024 жылға арналған «Су тасқынына қарсы іс-шараларды өткізу бойынша қызметтер» байқауын өткізді. Лоттың жеңімпазы «Көкше Тазалық» ЖШС болды, онымен ақпан айында 49 млн.теңге сомасына шарт жасалды, деп жазады КазТАГ.

Шарт бойынша жеткізуші су тасқыны кезінде еріген судың өтуі үшін инертті материалды дайындауға, нөсер ағындарын, арықтарды, су өткізгіштерді ыстық сумен шайып, су басқан жерлерден күн сайын қарды шығаруға міндетті.

Келесі кезекте жеткізушіге Қылшықты мен Шағалы өзендерінің деңгейіне зерттеу жүргізіп, мониторинг жүргізуге тура келеді. Су тасқыны басталмай тұрып, еріген судың өтуі үшін көпірлердің алдынан қалың бұталарды шауып, өзен арналарын дайындайды.

«Жеткізуші Қылшақты және Шағалалы өзендерінің арналарында жару жұмыстарын жүргізуге және су өткізгіш құбырларды шаюға арналған ыстық суға келісім-шарт жасайды», - делінген техникалық спецификацияда.

Алайда наурыздың 28-і күні Көкшетау стансасының аумағын еріген қар суы басқан. Оның бір себебі – теміржол көпірінің алдында пайда болған мұз кептелісі. Мұны Көкшетау қаласы әкімдігінің ресми хабарламасы да растайды.

«Дәл қазір Абай көшесіндегі көпір алдындағы мұз кептелісі тазартылуда», - делінген әкімдіктің 28 наурыздағы хабарламасында.

Сонымен қатар, конкурстың техникалық спецификациясында жеткізуші төтенше жағдайлардың ықтимал салдарын болдырмауға және жоюға міндетті екендігі көрсетілген. Алайда Ақмола облысы Төтенше жағдайлар департаментінің құтқарушыларына Көкшетаудағы су тасқынының салдарын жоюға тура келді. Ал, «КөкшеТазалық» мекемесінің директоры Олег Топорков Көкшетау қалалық мәслихатының депутаты, деп жазады басылым. 

Ал, Қылшақты өзенінің жағасынан судың көтерілуіне байланысты 16 жеке үй, 29 жеке аула аумағы және 12 көп қабатты тұрғын үй ауласы, сондай-ақ «Ертөстік» балабақшасының 1 қабаты су астында қалған. 

Фото: Ақмола облыстық ТЖМ

Тегтер: