Көлігімен бірнеше адамды қасақана қақты (видео)
Алматыда көлік жүргізушісі әдейілеп бірнеше адамды қағып кетті. Бұл туралы Жас Алаш tengrinews сайтына сілтеме жасап хабарлайды.
Оқиға 26 тамыз күні таңғы 4 шамасында болған. Әлеуметтік желілерде тараған видеодан бір топ жігіттің екі көлік жүргізушілерімен жанжалдасқанын көруге болады. Әзірге, жанжалдың неден шыққаны белгісіз.
Видеода ақ түсті көліктің бір топ жігіттің алдынан шығып қағып кете жаздағанын, артынан қара түсті көлік келіп 3 жігітті қағып өткені және ерегіскендердің бірінің қолында алматылық 02 жазуы бар көліктің номері қалып қойғанын байқауға болады.
«Аталған жайт сотқа дейінгі тергеу басталды. Қылмыстық кодекстің үш бабы бойынша — 345 бабы 2 бөлігінің «Жол ережесін бұзу» және 347 «Жол-көлік оқиғасы болған жерден кету» және 293 «Бұзақылық» бойынша қылмыстық іс тіркелді. Күдіктілердің жеке тұлғалары анықталды, қазір оларды ұстауға бағытталған жедел-іздестіру шаралары жүріп жатыр», — дейді Алматы қалалық полиция департаментінің баспасөз қызметі.
Фото: sputniknews.kz
