Жазылу
Жаңа министр тағайындалды
Қазақстан Президентінің Жарлығымен Жаслан Хасенұлы Мәдиев Қазақстан Республикасының Цифрлық даму, инновациялар және аэроғарыш өнеркәсібі министрі лауазымына тағайындалды, деп хабарлайды Zhasalash.kz сайты.
Мәдиев Жаслан 1983 жылы Алматы қаласында дүниеге келген.
Әл-Фараби атындағы Қазақ ұлттық университетін, Колумбия университеті, Массачусетс технологиялық институтын бітірген.
Еңбек жолын 2004 жылы «Альянс Банк» АҚ халықаралық байланыстар бөлімінің халықаралық қаржы институттарымен жұмыс бөлімінің маманы болып бастады.
2007-2008 жж — «Қазына» орнықты даму қоры» АҚ Корпоративтік қаржы департаментінің бас менеджері.
2008 жылдан бастап Қазақстан Республикасы Президенті Әкімшілігінің Стратегиялық талдау және зерттеулер орталығында, «Самұрық-Қазына» Ұлттық әл-ауқат қоры» АҚ-да жұмыс істеді.
2009-2010 жж - «KAZYNA CAPITAL MANAGEMENT» АҚ Басқарма төрағасының орынбасары.
2010-2014 жж — «Қазақстанның Даму Банкі» АҚ Басқарушы директор-мүшесі, Басқарма төрағасының орынбасары.
2014-2015 жылдары Қазақстан Республикасы Ұлттық Банкі құрылымында басшылық қызметтерді атқарған.
2017-2018 жылдары - «Қазақстан темір жолы» Ұлттық компаниясы» АҚ вице-президенті, қаржы жөніндегі вице-президентінің міндетін атқарушы.
2018 жылы «Қазақстан темір жолы» Ұлттық компаниясы» АҚ қаржы жөніндегі басқарма төрағасы болып тағайындалды.
2019-2020 жылдары - Қазақстан Республикасы Ұлттық экономика вице-министрі.
2020 жылдың қазан айынан бастап Қазақстан Республикасы Стратегиялық жоспарлау және реформалар агенттігі төрағасының орынбасары қызметін атқарған.
Фото: gov.kz
