Құлсары қаласындағы үйлерді техникалық тексеру қашан аяқталады?

Қазіргі уақытта 26 әлеуметтік нысан, 1 347 үй өңдеуден өтіп, өткен тәулікте 275 тонна қоқыс шығарылған.

«26 сәуірден бастап осы күнге дейін мамандар 867 нысанға техникалық тексеру жүргізді, бұл жұмыстарды 15 мамырға дейін аяқтау жоспарлануда», - деді спикер.

Қоғамдық штаб жұмысын жалғастыруда, онда 14 сәуірден 3 мамырға дейін 3 693 тұрғын қажетті кеңес ала алды.

Сонымен қатар, аймақ өкілі Жайық өзеніндегі жағдай туралы хабардар етті. Индербор кентінде су деңгейі 804 см, ал қауіпті деңгей - 845 см, Махамбет кентінде 818 см, қауіпті деңгей - 850 см, Атырау қаласында 475 см, қауіпті деңгей - 550 см құрайды. Жағалауды нығайту жұмыстары жалғасып жатқаны айтылды. 

Фото: ортком