ІІМ: Қазақстанда су тасқыны салдарынан 7 адам қайтыс болды

ІІМ орынбасарының айтуынша, су тасқыны кезінде Атырау облысында 4 адам көз жұмған. 

«Мысалы, Атырау облысында 4 адам, Түркістан облысында кішкентай бала суға батып кетті. Осы оқиғалар бойынша қылмыстық істер тіркеліп, алдын ала тергеу амалдары жүріп жатыр»,- деді Марат Қожаев.

Осы орайда журналистер Абай облысына қарасты Аягөз ауданында екі адамның суға кеткенін еске салды.

«Осы деректер бойынша қылмыстық іс қозғалып, тергеу амалдарының нәтижесі бойынша шешім шығарылады»,- деді министр орынбасары.

Осылайша, Ішкі істер министрлігі Қазақстанда табиғи апат салдарынан 7 адамның қаза тапқанын атап өтті.

Фото: Мәжіліс