Мәжіліс депутаттығына үміткерлер 1 миллиондай сайлау жарнасын төлейді

Орталық сайлау комиссиясының мүшесі Шавқат Өтемісов жиын барысында депутаттыққа үміткерлер қанша теңге мөлшерінде жарна енгізетінін айтты. Сөзінше, кез-келген партия атынан ұсынылатын үміткер ең төменгі 15 айлық мөлшері деңгейінде қаржы төлейді.

Қазіргі таңда ең төменгі айлық көрсеткіш 70 мың теңге деп есептесек, бұл — 1 миллион 50 мың теңге. Бұл жарнаны әрбір депутат боламын деген үміткер енгізеді.

Ал мәслихат депутаттығына үміткерлер үшін жарна мөлшері басқаша. Яғни, ең төменгі жалақының 5 еселенген мөлшерін төлейді. Бұл — 350 мың теңге.