Медициналық қызметпен лицензиясыз айналысқан елордалық 5,8 млн моральдық шығын төледі
Cоттың үкімімен елорда тұрғыны медициналық қызметпен лицензиясыз айналысып, денсаулыққа зиян келтіргені үшін сотталды.
Ол тиісті лицензия мен сертификатсыз, сақтау мерзімі өткен филлерді қолдану арқылы косметикалық процедура жүргізіп, нәтижесінде жәбірленушінің денесінде қабыну процесі орын алып, оған медициналық көмек қажет еткен, делінген хабарламада.
Кінәлі тұлғаға 1 жыл 6 ай бас бостандығынан шектеу жазасы тағайындалып, мәжбүрлі еңбекке тартылып, медициналық қызметпен айналысу құқығынан айырылды.
Сотталғаннан жәбірленушінің пайдасына 5,8 млн теңге материалдық және моральдық шығын өндірілді.
Үкім заңды күшіне енді.
Nazym Sapar
Nazym Sapar
