НАТО-ның жаңа бас хатшысы Батыстың Украинаға қолдауын күшейтуге уәде берді

Украина президенті Владимир Зеленскиймен бірлескен брифингте Рютте өзінің жаңа лауазымындағы алғашқы шетелдік сапарын Солтүстік Атлантикалық альянстың Украина жағында екенін барлығына түсіндіру үшін Киевке жасағанын атап өтті.

Марк Рюттенің пікірінше, Украинаның бостандық үшін күресі НАТО-ның негізгі ұстанымдары мен құндылықтарына сәйкес келеді.

«Украина қазір НАТО-ға бұрынғыдан да жақын және ол біздің альянсымыздың мүшесі болғанға дейін осы жолмен жүре береді», - деді жаңа бас хатшы.

Рюттенің пікірінше, Украинаның өзін-өзі қорғау құқығы «шекарамен шектелмейді», сондықтан Украина Ресей территориясына батыстық алыс қашықтықтағы зымырандарды атқылай алуы керек.

«Ресей заңсыз соғыс жүргізіп жатыр, бұл ресейлік жойғыштар мен зымырандарды Украинаның азаматтық инфрақұрылымына қарсы пайдаланбас бұрын нысанаға алу адамдардың өмірін сақтап қалуға көмектесуі мүмкін», - деді НАТО бас хатшысы.

Рютте сонымен қатар НАТО Бас хатшысы ретінде Украинаны қолдау үшін өнеркәсіптік өндірісті ұлғайту және альянстың өз арсеналын толықтыру басымдылығы болатынын атап өтті.

Зеленский Рюттемен келіссөздер барысында Украинаның «жеңіс жоспары» майдандардағы жағдай мен Украина қарулы күштерінің нақты қажеттіліктері талқыланғанын айтты. Ол Украинаға Батыстың көбірек қаруы қажет екенін тағы да атап өтті:

«Батыстың көмегінсіз Украинаның соғыста жеңу мүмкіндігі жоқ. Бізге жеткілікті мөлшерде және сапалы қару-жарақ қажет, оның ішінде алыс қашықтыққа ұшатын қарулар, менің ойымша, біздің серіктестеріміз қазірдің өзінде кешіктіруде»,деді ол.