Жобалар
Редакциямен байланыс
Жарнама
16:57, 27 Наурыз 2024

Нобель сыйлығының 39 лауреаты Путин режиміне қарсы үндеу жариялады

пп
Фото:

«Путин режимі бүкіл адамзатқа тікелей қауіп төндіреді». Осындай ұранмен Нобель сыйлығының 39 лауреаты Украинаға көмекті арттыруға және Путинді Ресей президенті ретінде мойындамауға шақырды.

Ғалымдар, экономистер мен жазушылар әлем басшыларын Ресейдің басқыншылығына қарсы тұрған Украинаға қолдауды арттыруға, Ресейдегі саяси тұтқындарды қорғауға және Путинді заңды сайланған президент ретінде мойындамауға шақырды. Беларусь жазушысы Светлана Алексиевич қол қойған үндеуді T-invariant басылымы жариялады.

Біз әлемдік көшбасшыларды және барлық ізгі ниетті адамдарды Путин мырза мен оның қылмыстық режимі туралы кез келген иллюзиядан бас тартуға шақырамыз. Тарих бізге агрессорды тыныштандыру адамзатқа қарсы қылмыстардың одан әрі жасалуына әкелетінін үйретеді. Ешқандай уақытша жеңілдіктер мұны ақтай алмайды. Біз 1938 жылғы Мюнхеннің қайталануына үзілді-кесілді қарсымыз!, делінген хат үзіндісінде.

Сонымен қатар олар әлемдік көшбасшыларды:

- Украинаға көмекті айтарлықтай арттыру;

- Ресейдегі адам құқықтары мен демократиялық оппозицияны қолдау;

- Ресей азаматтарын қолдауды күшейту;

- Ресейдің Путинге қарсы демократиялық ұйымдарын қолдау;

- Путиннің Ресейдегі заңсыз иеленген билігін мойындамауға шақырды.

Біз барлық ізгі ниетті адамдар мен қоғамдық ұйымдарды, саяси көшбасшыларды Ресей агрессиясына қарсы тұруға және Украинаны қолдауға белсенді түрде әсер ету үшін қолда бар барлық ресурстарды пайдалануға шақырамыз. Осы үшін өмірін қиған Алексей Навальныйды еске алып, біз Ресейдің демократиялық елдер қауымдастығының бір бөлігі болуы үшін демократия мен заң үстемдігін алға жылжытудың маңыздылығын атап өтеміз. Бірлескен күш-жігер арқылы біз Еуропада бейбітшілікке қол жеткізуге және жаһандық апаттың алдын алуға көмектесе аламыз, делінген ашық хатта.

Фото: ru.euronews.com