Нұрділда Ораз: Алматы мен Нұр-Сұлтан қалаларында 700 адам митинг кезінде ұсталды

Бұл туралы Жас АЛАШ  zakon.kz  сайтына сілтеме жасап хабарлайды."Алғашқы күні 500 адам болды, екінші күні 200-ге жуық адам, олардың 150-і жауапкершілікке тартылды",-деп мәлімдеді Нұрділда Ораз.Айтуынша, бұл Алматы және Нұр-Сұлтан қалалары бойынша көрсетілген деректер.Ал, қалған қалалар жөнінде ақпаратты министрдің кеңесшісі тек жобалап қана жеткізді.«Бірінші күні 400-ге жуық  адам жауапкершілікке тартылса, екінші күні 500-ге жуық адам жеткізілді, 150-ге жуық адам жауапкершілікке тартылған»,-деп хабарлады Ішкі істер министрінің кеңесшісі Нұрділда Ораз.

Айта кетейік, сайлау күні Алматы қаласының өзінде митингіге шыққан 500 адамды полиция алып кетті деген хабар тараған. Осыған қатысты ҚР президенті Қасым-Жомарт Тоқаев наразы топты диалогқа шақырған болатын.  Сондай-ақ, Қазақстандағы әлеуметтік желілердің блокталуына қатысты пікір білдірген еді.