Павлодарда анасы сәбиін 100 мың теңгеге сатқан
Түркістан тұрғыны Павлодарда жаңа туған қызын сатқаны үшін бес жылға бас бостандығынан айырылды.
Сот анықтағандай, 2002 жылы туған әйел материалдық қиындықтарға тап болып, жүктілік кезінде болашақ баласын сатуға шешім қабылдаған. Ол «ВКонтакте» әлеуметтік желісіндегі «Бала асырап алғым келеді» қауымдастығына хабарландыру жариялап, сол жерден сатып алушы тауып, қызын 800 мың теңгеге беруге келіскен.
2026 жылғы 28 наурызда әйел Павлодар облыстық №1 перинаталдық орталығында дені сау қыз босанған.
Құқық қорғау органдары жедел-іздестіру шаралары барысында әйелдің әрекетін құжаттаған. Оған беру үшін сериялық нөмірлері алдын ала тіркелген ақша пайдаланылған.
31 наурызда Павлодардағы пәтерлердің бірінде әйел жаңа туған қызын медициналық құжаттарымен бірге жедел іс-шараға қатысқан сатып алушыға берген. Іс жүзінде ол 100 мың теңге алған.
Павлодар қаласының кәмелетке толмағандардың істері жөніндегі мамандандырылған ауданаралық соты әйелді кәмелетке толмағандарды сату бойынша кінәлі деп таныды.
Оған орташа қауіпсіздік мекемесінде бес жыл бас бостандығынан айыру жазасы тағайындалды.
Сонымен бірге Қылмыстық кодекстің 74-бабы негізінде жазаны орындау бес жылға кейінге қалдырылды.
